Давид Луис: "Болалигимдан ЕЧЛнинг финалида ўйнашни орзу қиламан"

"Бизни муҳим ўйин кутиб турибди.

Виллиан ажойиб ўйинчи ва менинг яқин дўстим. У кимлигини барчага исботлаб қўйди деб ўйлайман. Шунингдек, миллий терма жамоага хам қайтишни уддалади. Ўйлайманки, унинг ўйини бизга катта фойда келтиради.

Бу ўйин Диего Коста ва Давид Луис ўртасида эмас, "Атлетико" ва "Челси" ўртасида бўлиб ўтади. Диего барча курашларда ғолиб чиқишга харакат қилади, ўз ўрнида мен хам ўзимга ишонаман.

Ивановичнинг майдонга туша олмаслиги ёмон бўлди. У доимо бизга катта ёрдам бериб келган.

Мен болалигимдан Чемпионлар лигасининг финалида ўйнашни орзу қиламан. Бу орзуим икки йил аввал амалга ошган, лекин, ўша пайтда "тўймаган" эдим. "Челси" ажойиб жамоа. Биз финалга чиқишга ҳаракат қиламиз", - дея футболчининг сўзларидан иқтибос келтирмоқда УЕФА расмий сайти.