Данн: "Диаш яқин йилларда жамоа сардори этиб тайинланса, ажабланмайман"

"Ўтган мавсумда АПЛ марказий ҳимоячиларининг ҳеч бири у билан тенглаша олмади, шунинг учун умид қиламанки, у ўсишда давом этади. Ўйлашимча, у майдонда қандай ҳаракат қилиш кераклигини аллақачон ўзлаштириб олган ҳамда тажрибасини янада ошириши мумкин. Агар у яқин йилларда жамоа сардори этиб тайинланса, ажабланмайман. У барчани ҳайратда қолдира олди ҳамда ажойиб мавсум ўтказди", — дейди Данн.

Эслатиб ўтамиз, Рубен Диаш 2020 йилда "Бенфика"дан 68 миллион евро эвазига "Манчестер Сити"га ўтганди. Ўтган мавсумда у Премьер-лигада 32 та ўйин ўтказиб, битта гол урган. Ҳимоячининг клуб билан шартномаси 2026 йилгача амал қилади.