Черчесов Польша терма жамоасини бошқариши мумкин
01 nov 2021 19:24
News

Черчесов Польша терма жамоасини бошқариши мумкин

Россия терма жамоаси собиқ бош мураббийи Станислав Черчесов фаолиятини Польшада давом эттириши мумкин.

58 ёшли мураббий Польша терма жамоасини бошқариши мумкин.

Польша футбол иттифоқи (PZPN) президенти Цезарий Кулеша Черчесов билан суҳбатлашди.

PZPN раҳбари Черчесов билан боғланди, аммо суҳбат норасмий кўринишда ўтган. Станиславнинг ўзи ҳам Польша терма жамоасида ишлашга қарши эмас.

Бунинг учун поляклар 2022 йилги жаҳон чемпионатига чиқа олмаслиги керак. Польша терма жамоаси турнир якунланишига икки тур қолганда британияликлардан 3 очко ортда қолган ҳолда I гуруҳда иккинчи ўринда бормоқда. Гуруҳ ғолиби тўғридан-тўғри жаҳон чемпионатига йўл олади, иккинчи поғонани эгаллаган жамоа эса баҳорда плей-офф босқичида иштирок этади. Январь ойидан бери Польша термасини португалиялик Паулу Соуза бошқариб келмоқда.

Черчесов илгари Польшада фаолият олиб борган. 2015/16 йилги мавсумда у "Легия"ни Польша чемпионатида ғалаба сари олиб келди ва мамлакат кубогини қўлга киритди. У 2016 йилнинг августидан 2021 йилнинг июлигача Россия терма жамоасини бошқарган.

Link :

Source : Матч ТВ

Receive latest football news directly on your phone. Subscribe for our Telegram channel!

Rating: +1