"Челси" ёзда ҳужумкор футболчисини сотиш орқали 60 млн евро ишлаб олмоқчи

"Стэмфорд Бриж" эгалари 2020 йилда Кай Хаверцни 80 млн евро эвазига қўлга қиритганди. Унинг жамоага олиб келиниши анча машаққатли кечди, клуб немис футболчисини уч давомида таъқиб қилди. Ўшанда 21 ёшли футболчи "Байер" Леверкузен билан Бундеслигани ёндирди ва 12 та гол ва 6 голли узатма натижасини қайд этган эди. Бироқ Хаверц бу даражани инглиз клубига олиб келинганда сақлаб қола олмади.

Футболчи ўзининг Лондон клубидаги биринчи мавсумида 45 та ўйинда майдонга тушиб, 9 та тўп киритди ва 8 та голли узатмани амалга оширди. Хаверц олдинги чизиқнинг турли нуқталарида ҳаракатланди. У Поттер томонидан марказий ҳужумчи нуқтасига жойлаштирилганида самарадорлиги пасайиб кетди. Хаверцнинг 80 миллион евролик трансфери ўзини оқламагани борасида асосли далиллар бор. Шу туфайли клуб уни бошқа жамоага қўйиб юборишни афзал кўради.

"Челси" Англия Премьер-лигасида 29 очко билан турнир жадвалининг 10-поғонасидан жой олган. "Кўклар"нинг келаси мавсумда Чемпионлар Лигасини ўтказиб юбориш хавфи катталашмоқда.