"Челси" 38 ёшли Тиаго Силвага янги шартнома таклиф қилади
24 jan 2023 18:30
News

"Челси" 38 ёшли Тиаго Силвага янги шартнома таклиф қилади

Лондоннинг "Челси" клуби жамоанинг энг тажрибали ўйинчиси Тиаго Силвага янги битим таклиф қилишга тайёр.

Клуб бразилиялик фахрий ҳимоячи билан янги келишув имзолаб, унинг 39 ёшдан кейин ҳам "Стэмфорд Бриж"да қолишини таъминлайди.

Қатарда бўлиб ўтган Жаҳон чемпионатида ўз мамлакати шарафини ҳимоя қилган футболчи жорий мавсум "кўклар" сафида клублар миқёсидаги 23 та ўйинда майдонга тушди. Силва 2020 йилда ПСЖни эркин агент сифатида тарк этганидан кейин инглиз клуби сафига келиб қўшилган эди.

"Челси" билан бирга Чемпионлар Лигаси ва клублар ўртасидаги Жаҳон чемпионатида зафар қучган ҳимоячи чарчаш нималигини билмаяпти ва 40 ёшигача юқори даражадаги ўйин кўрсатадиган кўринади. Клуб унинг хизматларидан келаси йилларда ҳам фойдаланиш истагида. У жамоага янги қўшилган ва қўшилиши кутилаётган ҳимоя чизиғи вакилларининг янада тезроқ мослашиб кетишига ёрдам беради.

Link :

Source : Goal.com

Receive latest football news directly on your phone. Subscribe for our Telegram channel!

Rating: +6