Championat.Asia 6 ёшга тўлди!

Аслида 2010 йилнинг октябрь ойида тест режимида иш бошлаган сайт декабрь ойи бошида ОАВ сифатида рўйхатдан ўтказилган. Шу боис айнан 3 декабрь сайтимизнинг туғилган куни сифатида нишонлаб келинади.

Ортда қолган 6 йил давомида сайтимиз минглаб ўқувчиларга эга бўлди. Ходимларимиз турли ёшдаги Жаҳон чемпионатларида, Осиё чемпионатларида, Осиё ўйинларида, Осиё чемпионлар лигаси ва бошқа халқаро мусобақаларини воқеа жойидан ёритиб боришди. Бундан ташқари Ўзбекистон ички мусобақаларини мухлисларга тақдим этиб борди. Жаҳон ва Европа чемпионатлари онлайн равишда тезкорлик билан ёритиб борилди.

Бу давр ичида сайтимизда фаолият олиб борган ёки биз билан ҳамкорлик қилган барча ҳамкасбларимизга миннатдорчилик изҳор қиламиз. Сизларнинг ёрдамингиз сайтнинг ривожи учун жуда катта бўлганини таъкидлаймиз.

Сайтимизнинг 6 йиллик тўйини йил охирида ўтказиш режалаштирилган.

Биз билан эканлигингиздан хурсандмиз!

Таҳририят