Цейтлин бошқарган ўйинларда "Нефтчи" ўтган йил фақат ютган

2015 йилги мавсумда олий лигада жами 14 та учрашувда ҳакамлик қилган Шерзод Қосимов "Пахтакор" ва "Бухоро" иштирокидаги беллашувларда ҳам ишлаган. Хусусан, "шерлар"нинг 3та, "Бухоро"нинг битта ўйинида фаолият кўрсатган. Айтиш керакки, бухороликларнинг ўша биргина баҳси ҳам сафарда бўлиб ўтиб, унда "Машъал" билан муроса кўчаси танланган - 2:2.

Юқорида таъкидлаганимиздек, "Пахтакор" ўтган мавсум Қосимов ҳакамлигида учта ўйин ўтказган. Ўша учрашувларда "Андижон" сафарда мағлуб (0:1) этилган бўлса, "Қўқон-1912" Тошкентда ютқазган - 4:1. Пойтахт "дерби"сидаги "Бунёдкор"га қарши ўйинда эса, мезбонлар ғалаба нашидасини сурган - 2:0.

2015 йил
"Бухоро" иштирокидаги учрашув
"МАШЪАЛ" - "БУХОРО" - 2:2

"Пахтакор" иштирокидаги учрашувлар
"АНДИЖОН" - "ПАХТАКОР" - 0:1
"ПАХТАКОР" - "ҚЎҚОН-1912" - 4:1
"БУНЁДКОР" - "ПАХТАКОР" - 2:0

«Бухоро» (Бухоро) – «Пахтакор» (Тошкент)
Ҳакамлар: Ш. Қосимов (Тошкент), М. Саидқосимов (Тошкент), А. Цапенко (Тошкент вил.), Д. Джалимов (Нукус).


Бугун бўлиб ўтадиган олий лиганинг яна бир учрашуви “Насаф” – “Обод” ўйинини навоийлик Рустам Бобомуродов бошқариб боради. Аҳамиятлиси, Бобомуродов 2015 йил 14та учрашувни бошқарган бўлса-да, “Насаф”нинг бирор бир баҳсида ишламаган. Табиийки, олий лига дебютанти “Обод” иштирокидаги баҳсни ҳам бошқармаган.

«Насаф» (Қарши) – «Обод» (Тошкент)
Ҳакамлар: Р. Бобомуродов (Навоий), О. Жумаев (Навоий), А. Снетков (Тошкент вил.), Э. Турсунов (Бухоро)
Назоратчи: И. Шарипов (Бухоро).
ЎзПФЛ вакили: А. Фролов.



“Локомотив” – “Нефтчи” учрашувини бошқарадиган юртимизнинг энг тажрибали ҳакамларидан бири Владислав Цейтлин 2015 йил олий лигада 22та ўйинида ишлаган эди. Қизиғи, ўша 22та учрашувнинг фақат биттаси “Локомотив” иштирокига тўғри келади. Ўша баҳсда “Насаф” – “Локомотив”дан кичик ҳисобда устун келганди – 1:0.

Владислав Цейтлин “Нефтчи” учун омадли ҳакам дейиш мумкин. Сабаби, Цейтлин “Нефтчи” иштирокидаги бошқарган 4та учрашувнинг барчасида фарғоналикларнинг қўли баланд келган. Жумладан, “Металлург” – “Нефтчи” (0:1), “Нефтчи” – “Динамо” (3:1), “Андижон” – “Нефтчи” (0:4), “Нефтчи” – “Бунёдкор” (2:0) ўйинларининг барчасида фарғоналиклар ғалаба нашидаси сурган.

2015 йил
“Локомотив” иштирокидаги учрашув
НАСАФ – ЛОКОМОТИВ – 1:0
“Нефтчи” иштирокидаги учрашувлар
МЕТАЛЛУРГ – НЕФТЧИ – 0:1
НЕФТЧИ – ДИНАМО – 3:1
АНДИЖОН – НЕФТЧИ – 0:4
НЕФТЧИ – БУНЁДКОР – 2:0


«Локомотив» (Тошкент) – «Нефтчи» (Фарғона)
Ҳакамлар: В. Цейтлин (Тошкент), Р. Серазетдинов (Тошкент), Р. Шояхметов (Тошкент), Д. Каримов (Тошкент)
Назоратчи: Ш. Жумаев (Қарши).
ЎзПФЛ вакили: С. Ризаев.