“Цементчи” “Нефтчи”га қарши ўртоқлик учрашувини ўтказади

Бу сафарги спарринг рақиб янада жиддий ва кучли жамоа сифатида шакилланаётган Фарғонанинг “Нефтчи” жамоаси бўлади.

Жамоани яқинда қабул қилиб олган Вадим Карленович Абрамов давралар оралиғида жамоага бир қатор янги футболчиларни жалб қилган. Шунингдек “Цементчи” таркибида ҳам сезиларли ўзгаришларга қўл урилган. 

Шу ўринда айтиб ўтиш керакки “Нефтчи” бош мураббийи Вадим Абрамов бошчилигидаги ушбу жамоага қарши "Цементчи" иккинчи бор назорат учрашувини ўтказмоқда. Дастлабки ўртоқлик учрашуви бир ой аввал яъни июнь ойида ўтказилган бўлиб, ушбу баҳсда Аббос Махситалиевнинг стандартдан киритган ягона голи эвазига  жамоамиз олий лига вакилларига 0:1 ҳисобида имкониятни бой берган эди. Шуни ҳам таъкидлаш керакки, ушбу учрашув Абрамовнинг “Нефтчи” бошқарувидаги илк норасмий баҳси бўлган эди .

Демак, иккинчи давра олдидан “Нефтчи” ҳамда “Цементчи” жамоалари яна бир бор ўзаро куч синашиб кўрмоқчи. "Нефтчи"га қарши навбатдаги назорат учрашуви 1 август куни Фарғона шаҳридаги  марказий “Истиқлол” ўйингохида булиб ўтади.

“Цементчи” жамоаси матбуот котиби Зухриддин Aбдуллажонов.