“CAFA U-15 Girls Championship-2019” мусобақаси олдидан жамоалар расмийлари иштирокида йиғилиш ўтказилди

Мазкур турнирда 15 ёшгача бўлган қизлардан иборат 4 та юрт терма жамоалари иштирок этишади.

“CAFA U-15 Girls Championship-2019” мусобақасида Ўзбекистон, Эрон, Қирғизистон ҳамда Тожикистон терма жамоалари ғолиблик учун баҳс олиб боришади.

Бугун ушбу турнир олдидан жамоалар расмийлари иштирокида йиғилиш ўтказилди. Унда ЎФА Бош котиби Аваз Максумов, мусобақага Марказий Осиё футбол ассоциацияси томонидан бош координатор сифатида тайинланган Илдар Гарифулин, жамоалар менежерлари ҳамда маҳаллий ташкилий қўмита вакиллари қатнашишди. Йиғилишда мусобақа доирасидаги ўйинларнинг ташкилий масалалари муҳокама этилди.

Эслатиб ўтамиз, турнир эртага старт олади.