Latest news

17:39Конференциялар Лигасининг асосий босқичига қуръа ташлаш натижалари эълон қилинди  0 17:15"Манчестер Юнайтед"нинг баъзи футболчилари Аморимнинг тактикасига шубҳа билан қарамоқда  2 16:50Европа Лигасига қуръа ташланди  1 16:26"Ньюкасл" "Барселона" ярим ҳимоячиси учун 100 миллион евро тўлашга тайёр  4 15:58Родриго "Реал"да қоладими?  2 15:28"Арсенал" "Байер" футболчисининг трансферини якунлади  2 14:57"Ал Иттиҳод" Педро учун 35 миллион евро таклиф қилди  5 14:35"Мамлакатимизда футбол ривожланмоқда, балки кейинги мундиалда иштирок этишимиз мумкин". Қирғиз Республикаси бош мураббийи иштирокидаги матбуот анжумани (тўлиқ)  1 14:02Аргентина терма жамоасининг бўлажак ўйинлар учун таркиби маълум  1 13:33"Реал" афсонаси: "Олмаотага учиш Нью-Йоркка учишдек гап"  15 13:04"Фенербахче" Моуриньюни бош мураббий лавозимидан озод этди  11 12:52Туркманистон бош мураббийи Ровшан Мередов: "Бу савол менга эмас"  17 12:23Тимур Кападзе ва Азизбек Турғунбоев иштирок этган матбуот анжуманида қандай фикрлар янгради? (Тўлиқ матбуот анжумани)  23 11:56Тимур Кападзе Паулу Бенту ҳақида фикр билдирди  35 11:44Карлуш Кейруш: "Бир неча йил аввал Ўзбекистон футболи "уйқу"да эди"  27

“CAFA U-16 Championship”. Ўзбекистон Афғонистонни йирик ҳисобда таслим этди News

“CAFA U-16 Championship”. Ўзбекистон Афғонистонни йирик ҳисобда таслим этди

Бугун CAFA Cup доирасида Афғонистон - Ўзбекистоннинг 16 ёшли термалари иштирокидаги ўйин ўтказилди.

 ЯНГИЛАШ

Ўйиннинг 8-дақиқасида ҳисоб очилди. Дарвозабоннинг олдинга чиқиб кетганидан фойдаланган Исматуллоҳ Козими узоқ масофадан зарба берди. Унинг тепган тўпини ҳимоячи Хуршид Абдуллаев қайтармоқчи бўлганди. Бироқ барибир тўп дарвозага кириб кетди. Гол бизнинг ҳимоячимиз ҳисобига автогол деб ёзиладиган бўлди.

29-дақиқада ҳисоб тенглашди. Ўнг қанотдан Жасурбек Жамолиддиновнинг ерлатиб узатган тўпига рақиб дарвозабони ета олмади. Тимур Мамасиддиқов эса тўпни бўш қолган дарвозага осонлик билан жойлаб қўйди, 1:1.

40-дақиқада ватандошларимиз ҳисобда олдинга ўтиб олишди. Узоқ масофага узатилган тўпга ҳимоячи билан курашда тезлик бобида Игорь Чикризов устунлик қилди. У тўпга бириничи бўлиб етиб бориб, посбонни алдаб ўтиб, бўш қолган дарвозани ишғол қилди, 1:2.

Орадан кўп ўтмай Ўзбекистон яна бир гол урди. Темур Мамасиддиқов бир неча футболчини алдаб ўтган ҳолда гол уришга муваффақ бўлди. Темурдан дубль! 1:3.

Иккинчи бўлим бошланди.

49-дақиқада ҳисоб қисқариши мумкин эди. Аммо афғонистонлик Абдул Ҳада Садиқининг тепган пенальтисини посбонимиз қайтарди.

Учрашувни 1049 нафар томошабин бевосита стадиондан кузатиб бормоқда.

Қизиқ! Ҳакам майдонда карточкасиз ишлаётган экан. У бир вазиятда афғонистонлик футболчига карточка бериши керак эди. Бироқ у чўнтагидан карточкани топа олмади. Кейинчалик захира ҳакамидан сариқ ва қизил карточкани олди. Мана нима учун биз ўйинда карточка кўрсатилмаганининг сабабини билиб олдик.

88-дақиқада ҳисоб йирик кўринишга келди. Захирадан майдонга тушган Хусаин Норчаев дарвозабоннинг олдинга чиқиб кетганидан фойдаланиб, ҳисобни 1:4 кўринишига келтириб қўйди.

Ўйин ушбу ҳисоб билан якунланди.

Тошкент. "Миллий" стадиони.

Афғонистон - Ўзбекистон 1:4. 1049 томошабин

Ҳакамлар: Медер Тайчиев, Элдос Мирзабеков, Қанот Мирзабеков (барчаси Қирғизистондан), Сайёджон Зайниддинов (Тожикистон).

Голлар: Хуршид Абдуллаев (8-автогол), Темур Мамасиддиқов (29), Игорь Чикризов (40), Темур Мамасиддиқов (43), Хусаин Норчаев (88).

Афғонистон: 1. Шариф Омонзода, 5. Исматуллоҳ Козими, 4. Муҳаммад Амин Низомий, 13. Али Зоҳидий, 3. Абдул Мунир Ҳазратий (12. Али Сино Вализода, 87), 7. Файзуддин Ширзад, 10. Муҳаммад Нўъмон Вализода, 6. Самир Самандарий, 14. Абдул Ҳада Садиқи, 2. Сажад Али Халилий, 11. Абузар Раҳмоний (18. Торялай Хамдерд, 68).

Захира: 22. Аҳмад Машъал Мусофир Зода, 19. Иброҳим Довуд, 20. Хасибуллоҳ Аҳадий, 21. Муҳаммад Носир Ризоий.

Ўзбекистон: 12. Мўминризо Қодиров, 4. Сардор Абдурашидхўжаев, 5. Хуршид Абдуллаев, 15. Муҳаммадюсуф Носиров, 6. Диёрбек Раҳимқулов, 7. Темур Мамасиддиқов (16. Фарруҳбек Мухторов, 85), 8. Мироншох Сатторов, 9. Игорь Чикризов (17. Хусаин Норчаев, 84), 10. Жасурбек Жамолиддинов, 11. Руслан Розиев, 20. Азизбек Ҳафизов (14. Дониёр Собиров, 66).

Захира: 21. Ҳамидулло Абдунабиев, 2. Алибек Давронов, 3. Фозилжон Примқулов, 18. Хушназар Хушназаров.

Комиссар - Давлатманд Исломов (Тожикистон).

Rating: +20   

Comments

championat.asia
< show latest news
Яндекс.Метрика