"Бухоро" кўригидаги икки легионерга жавоб берилди

Мураббийлар штаби легионерлар лимитидан тўлиқ фойдаланиш ниятида. Ҳозирда фақатгина битта легионер, Пламадела билан шартнома имзоланганини айтиб ўтган эдик. Яна иккита легионер Дмитрий Богдан ҳамда Вадим Чемертан жамоада кўрикдан ўтаётган эди.

Богдан мураббийлар штабида илиқ таасурот қолдираётган эди, афсус у “Андижон” га қарши кечган учрашувда жароҳат олиб сафдан чиқди.Шу сабабли мураббийлар штаби ушбу футболчини ўз юртига жавоб бериб юборишга мажбур бўлишди.

Вадим Чемертан ўз навбатида бир нечта назорат учрашувларда майдонга тушди. Унинг хатти-ҳаракатлари мураббийлар штабига мақул бўлмади, шу сабабли ушбу легионер ҳам жамоа лагерини тарк этди.

Ҳозир бир қанча легионерлар билан музокаралар давом этмоқда. Яқин кунлар ичида янги легионерлар кўрикдан ўтиш учун Тошкентга етиб келишади.