"Бухоро": Бугун машғулотлар давом эттирилади

Барчани янги йил билан табриклаймиз!

"Бухоро" жамоаси янги мавсумга тайёргарликнинг иккинчи босқичини бугун бошлаб юборди. Жамоа аъзолари бугун эрталаб клуб қароргоҳида йиғилишди ва дастлабки машғулотни ўтказишди.
Жамоамизнинг дастлабки босқич йиғини 15-декабрдан 28-декабрга қадар давом этди. Ушбу йиғинда асосан маҳаллий футболчилар иштирок этишди. Икки ҳафта давом этган йиғин чоғида "Бухоро" бир маротаба назорат-синов учрашувида иштирок этди. Навоий шаҳрида ташкиллаштирилган "Қизилқум"га қарши ўртоқлик учрашувида жамоамиз 1:2 ҳисобида имкониятни бой берди. "Бухоро"нинг ягона голига Сухроб Нематов муаллифлик қилди.
Иккинчи йиғин ҳам Бухоро шаҳрида ўтказилади. 5-январдан 15-январга қадар жамоа аъзолари ўз қароргоҳларида шуғулланишади ва шундан сўнг машғулотлар пойтахтда довом эттирилади. Тошкентдаги йиғин 18-январдан бошланиши режалаштирилган.

Жамоани расман тарк этганлар ҳақида яқин кунлар ичида, расмий хабар берамиз.