"Бунёдкор"да сув ва электр энергияси номаълум муддатга ўчирилди, майсалар қурий бошлаяпти

Ёзнинг иссиқ кунида қилинган бу иш оқибатида стадионнинг бош майдони ва яна захирадаги 4та табиий майдон жиддий жабр чекаяпти. Стадион ходимларининг маълум қилишларича, қарз 100 млн сўмни ташкил этади. Бу иссиқда 1 кун сув ичмаган майса жиддий жабр кўради, агар сув ва электр энергияси масаласи ҳал бўлмаса майсаларга келтирилган зарар қиймати бир неча юз миллионни ташкил этади.

Сувсиз асосий ва қўшимча майдонлар чимини асраш ва парваришлашнинг имкони йўқ. 

Шу билан бир қаторда адемияда истиқомат қилаётган болалар жиддий ноқулайликларга дуч келаяпти. Овқат эса ўчоқда пиширилган. Сув йўқлиги, миллат кўрки бўлган стадионнинг ички ҳолатини емирилишига сабаб бўлади.

Қолаверса, барча стадионларда бўлиб ўтаётган машғулотлардан сўнг ечиниш хоналарининг ёпиқлиги туфайли атрофдан қўланса ҳидлар тарқалаяпти.

Афсуски, ЎФА ва "Бунёдкор" клуби ўртасида бўлиб ўтаётган стадион маш-машасидан объект жабр чекмоқда. Бузишдан осони йўқ, қуриш эса жуда қийин!

Шундоқ ҳам чими ёмон стадион шу кетишда катта талофатга учраши мумкин...