"Бунёдкор" Туркиядаги йиғинга 17 ёшга тўлмаган икки футболчини олиб кетди. "Қалдирғочлар" эртага Болгария клуби билан ўйнайди

Рақиб сифатида Болгариянинг “Dobrudzha Dobrich” жамоаси танланган. Бош мураббий Иван Бубало январь ойида Тошкентдаги машғулотларда деярли 40 нафар футболчини кўздан кечирди. Анталия йиғинига 27 нафар ўйинчи олиб кетилди. Уларнинг орасида ҳали 17 ёшни қаршилаб улгурмаган ўсмирлар ҳам бор. Булар - Орзубек Турғунов ва Азизбек Тўлқинбеков. Аҳамиятлиси, уларнинг ҳар иккиси ҳам куни кеча Венгриянинг “Халадаш” жамоасига қарши ўтказилган назорат учрашувида асосий таркибда майдонга тушди. Шунингдек, 18 ёшли Оллоберган Каримов, 19 ёшли Наримонжон Аҳмаджонов ҳам асосий таркиб билан Туркияга йиғинига жўнаб кетган ва машғулотларда астойдил меҳнат қилмоқда.

Ёшларнинг иштиёқини тажриба билан уйғунлаштиришни мақсад қилган Иван Бубало бошчилигидаги мураббийлар штаби таркибни шакллантиришда тарбияланувчиларга алоҳида эътибор қаратган.

"Бунёдкор"нинг Анталия йиғинида иштирок этаётган футболчилар рўйхати: Сарвар Каримов, Жасур Умрзоқов, Билол Туплиев, Тоҳирбек Тўхтасинов, Оллоберган Каримов, Музаффар Олимжонов, Рустамхон Азимов, Суҳроб Иззатов, Расул Йўлдошев, Абдуфаттоҳ Фозилжонов, Орзубек Турғунов, Фарҳод Ўткиров, Усмонали Исмоналиев, Амир Тўрақулов, Азизбек Тўлқинбеков, Умидбек Султонов, Андрей Гулямов, Нажмиддин Нормуродов, Самир Желкович, Марин Любич, Тони Йович, Фрэйн Чирьяк, Момчило Расо, Наримонжон Аҳмаджонов, Темурхўжа Абдухолиқов, Миржаҳон Мираҳмадов.