"Бунёдкор" мураббийи Марат Мифтахутдинов ПФЛ қарорини буздими?

Бизга маълум бўлишича, марказлашган чемпионатда карантин қоидаларига янада чуқур амал қилиниши кўзда тутилган. ПФЛ сайти бугунги ўйин олдидан PZR тестини топширмаган ҳар икки клуб вакилларини эълон қилди. Хабарда ёзилишича, рўйхатда исм-фамилияси келтирилган шахслар ўйин пайтида нафақат техник зонада бўлишлари, балки жамоа автобусига чиқишлари ҳам мумкин эмас.

Аммо ПФЛ телеграм канали эълон қилган суратда "Бунёдкор" катта мураббийи Марат Мифтахутдинов автобусдан тушиб келаётганини кўриш мумкин. Шундай экан савол туғилади: бу биринчи кунданоқ қоидани бузиш деганими? Маълумки, душанба кунидан марказлашган тартибда биринчи давранинг охирги тўртта турига старт берилади. Агар ҳозирдан қоида бузиш бошланса, унда бошқа учрашувларда нима бўлади?

Ўйлаймизки, ПФЛ ушбу ҳолат юзасидан тушунтириш беради.