«Бунёдкор» Мираброр Усмоновни табриклайди!

Ҳозирги пайтда ЎФФ рахбарияти Бразилиянинг Сан-Пауло шаҳрида бўлиб турибди. Лотин Америка қитъасидан келган хушхабарга кўра, юртимиз футболи рахбари ФИФАнинг “Хизматлари учун” ордени билан мукофотланди.

Мираброр Зуфарович бошчилигида Ўзбекистон футболини ривожлантириш учун бир қанча ижобий ишлар амалга оширилмоқда. Жуда кўплаб мамлакатларда Ўзбекистоннинг ёшлар ва ўсмирлар терма жамоалари қўлга киритаётган ютуқлар таъкидланмоқда.

Ўзбек футболи инфраструктурасини кучайтириш борасида олиб борилаётган ишларнинг бевосита гувоҳи бўлиб турибмиз. Бунга мисол сифатида янги барпо этилган ва нафақат профессионал футболчилар, балки ёш ва иқтидорли авлодни тарбиялаш борасида кенг шароитларга эга бўлган “Бунёдкор” спорт мажмуасини келтиришимиз мумкин. Улкан иншоатнинг яратилишида Мираброр Зуфаровнинг улкан хизматлари бўлди.

“Бунёдкор” ФК рахбарияти ва клубнинг барча ходимлари жаҳон даражасидаги юксак эътироф – ФИФАнинг “Хизматлари учун” ордени билан тақдирланган Мираброр Зуфаровни табриклайди. Уларга соғлик-саломатлик, узоқ умр ва олиб бораётган ишлари янада муваффақиятли бўлишини тилаймиз.