"Бунёдкор" энди "Пахтакор" стадионида ўйнайди
24 aug 2013 09:09
News

"Бунёдкор" энди "Пахтакор" стадионида ўйнайди

Тошкентнинг "Бунёдкор" клуби мавсумнинг қолган қисмини "Пахтакор" стадионида ўтказиши кутилмоқда.

Бу ҳақда клуб матбуот хизмати вакили Аброр Имомхўжаев ўз твиттерида хабар берди.

"Бунёдкор" - "Нефтчи" жамоалари ўртасидаги ўйин 26 август куни "Пахтакор" стадионида бўлиб ўтади. Ўйин 19:00 да бошланади".

"Умуман Ўзбекистон Кубоги финалигача (балки кейинроқ ҳам) "Бунёдкор" уй учрашувларини "Пахтакор" стадионида ўтказади", - деб ёзади Аброр Имомхўжаев ўз твиттерида.

Нима учун "Бунёдкор" "Жар"да ўйнамаслиги ҳақида маълумот берилмаган. "Қалдирғочлар" бу йилги мавсум бошида янги бунёд этилган "Бунёдкор" стадионида уй ўйинларини ўтказишганди. Бироқ бу ўйингоҳнинг чими янгиланиши боис ўйинлар "Жар"да бўлиб ўтаётганди.

Эслатиб ўтамиз, Ўзбекистон кубогининг бу йилги финали 25 сентябрь куни "Пахтакор" стадионида бўлиб ўтади. Унда "Бунёдкор" ва "Насаф" клублари ўзаро беллашишади.

Link :

Source : championat.asia

Receive latest football news directly on your phone. Subscribe for our Telegram channel!

Rating: