"Бунёдкор" БААда Москванинг "Динамо" клуби билан ўйнайди
15 dec 2013 17:47
News

"Бунёдкор" БААда Москванинг "Динамо" клуби билан ўйнайди

Россиянинг "Спорт-Экспресс" нашрининг хабарига кўра Москванинг "Динамо" клуби январь ойида Тошкентнинг "Бунёдкор" клуби билан ўртоқлик учрашуви ўтказади.

16-28 январь кунлари "Динамо" БААда йиғин ўтказади. Россия клуби у ерда учта назорат учрашуви ўтказишни режалаштирган.

22 январь куни Дан Петреску шогирдлари Даниянинг "Брондбю" клуби билан куч синашишади. 25 январда эса рақиб Ўзбекистон чемпиони "Бунёдкор" клуби бўлади. Учинчи рақиб номи ҳозирча номаълум.

"Бунёдкор" 2013 йилнинг 6-16 январь кунлари БААда йиғин ўтказганди. "Қалдирғочлар" у ерда Саудия Арабистони чемпионати иштирокчиси “Ал-Таавон” (2:1) ва Украинанинг “Металлист” (1:3) клублари билан назорат учрашувларини ташкил этганди. Миржалол Қосимов бошчилигидаги жамоа 2014 йил БААдаги йиғинни қачон ўтказишлари ҳозирча аниқ эмас.

Бундан ташқари "Динамо" Ўзбекистон миллий ва олимпия терма жамоасига қарши ўртоқлик учрашувларини ҳам ўтказган.

"Динамо" Россия премьер-лигасининг 19та туридан сўнг 35 очко тўплаб қишки танаффусга 4-ўринда чиқиб кетди.

Link :

Source : championat.asia

Receive latest football news directly on your phone. Subscribe for our Telegram channel!

Rating: