"Бунёдкор" - "Ал Наср" учрашувига тааллуқли фактлар

- Бу жамоаларнинг дастлабки ўйини 1:1 ҳисобида якун топган;

- "Бунёдкор" кетма-кет саккизинчи мавсум ОЧЛ гуруҳ босқичида ўйнамоқда, "Ал Наср" эса ўз тарихида иккинчи марта қатнашяпти;

- "Бунёдкор" ОЧЛда иштирок этаётганидан бери биринчи марта гуруҳдан чиқа олмади. Жамоа бўлиб ўтган тўртта учрашувда атиги бир очко тўплади;

- "Бунёдкор" 1-турда "Ал Наср"га гол урганидан бери бошқа ўйинларда тўп кирита олмаяпти. Ўйиннинг вақти билан ҳисоблаганда "Бунёдкор" олти соатдан бери гол ура олмаяпти;

- "Бунёдкор" шу пайтгача ўз майдонида олти марта Саудия клублари билан баҳс олиб борган. Жамоа шундан тўрттасида ғалаба қозонган ва икки бор мағлубиятга учраган;

- Хайрулла Каримов, Акмал Шораҳмедов, Шакер Зуаги, Жавлон Иброҳимов, Сато Минори ва Акром Комилов ҳисобида биттадан сариқ карточка бор. Агар бу ўйинчилардан кимдир бугун яна огоҳлантириш оладиган бўлса, гуруҳдаги охирги ўйинни ўтказиб юборади;

- Агар "Ал Наср" бугун мағлубиятга учрайдиган бўлса, ОЧЛдан чиқиб кетади (Қачонки "Лахвия" "Персеполис"ни мағлуб этса)

- "Ал Наср" ОЧЛнинг сафар беллашувларида ҳали ғалаба қозонмаган, жамоа икки бор дуранг ўйнаб, тўрт марта имкониятни бой берган;

- "Ал Наср" бунгача Тошкентга бир марта келган ва 2011 йил "Пахтакор" билан бўлган учрашувда 2:2 ҳисобини қайд этган.