Бундеслига, 29-тур старт олмоқда. "Гамбург" - "Байер"

Бундеслига учрашувлари кўпчилик футбол ишқибозларини ўзининг шиддаткор ўйинлари билан ром этиб келади. Германияда чемпионати кутилмаган ҳисоблари ва жамоаларининг кучли характери билан бошқа чемпионатлардан ажралиб туради. Бу чемпионатда қайси клуб нечинчи поғонада ва ким қандай кучга эга эканлиги ҳам унчалик муҳим аҳамият касб этмайди. Ҳар қандай учрашувларда мухлислар ўз жамоаларини қўллаб-қувватлаш учун стадионга ташриф буюришади.

Бундеслиганинг ҳар қандай ўйинлари мухлисларда катта қизиқиш уйғотишининг асосий сабаби мана шулар. Бугун чемпионатда кутилмаганда ўз ўйинини топа олмаётган "Гамбург" жамоаси ўз уйида Леверкузеннинг "Байер" клубини меҳмон қилади. Айни пайтда "Гамбург" бундеслигада жон сақлаб қолиш учун курашаётган бўлса, Сами Хююпя бошқарувидаги "Байер" ЕЧЛ йўлланмаси учун баҳс олиб бормоқда. Учрашув қизиқарли ва кескин курашлар остида кечиши аниқ. Бу ўйин голларга бой бўлишини ҳам тахмин қилиш мумкин. Бу иккала жамоа ҳимоявий ўйиндан кўра, ҳужумкорроқ футболни ёқтиришади. Асосан "Гамбург" иштирокидаги учрашувларда мухлислар кўпроқ голлар шоусини кўришга ўрганиб қолишган.

Бундеслига, 29-тур.

"Гамбург" - "Байер" (23:30 "НТВ-ПЛЮС Футбол")

"Имтех Арена" стадиони.

Ҳамкамлар: Бастиан Данкерт, Маркус Хакер, Рене Роде.

Тахминий таркиблар:

"Гамбург": Рене Адлер, Деннис Дикмайер, Майкл Мансьенн, Хайко Вестерманн, Жоан Журу, Милан Бадель, Толғай Арслан, Петр Ирачек, Рафаэл ван дер Варт, Хакан Чалханоглу, Жак Зуа.

"Байер": Бернд Лено, Себастьян Бениш, Жулио Донати, Филипп Волльшайд, Эмир Спахич, Эмре Жан, Андрес Гуардадо, Гонсало Кастро, Ларс Бендер, Штефан Кисслинг, Сон Хин Мин. 

Биринчи даврадаги ўйин: ("Байер" - "Гамбург" 5:3)

Шаҳбоз Беғамов