БУМ! Роналду YouTube'да канал очди ва рекорд қўйди
21 aug 21:06
News

БУМ! Роналду YouTube'да канал очди ва рекорд қўйди

Португалия терма жамоаси ва Саудия Арабистонининг "Ал Насср" клуби ҳужумчиси Криштиану Роналду YouTube видеосервисида канал очганини эълон қилди.

Эътиборлиси, у 1 миллион кишини платформада энг тез йиққан шахс сифатида тарихдан жой олди. Бу учун унга 1 соат етарли бўлди. Аввалги рекорд K-Pop қўшиқчиси Женни Кимга тегишли бўлиб, у ўзининг бир миллионинчи обуначисига эга бўлиш учун 7 соат вақт сарфлаган.

Роналдунинг канали июль ойида рўйхатдан ўтган, бироқ биринчи видео чоршанба куни чоп этилган.

"Кутишга барҳам берамиз! Ниҳоят, менинг YouTube каналим бор! Обуна бўлинг ва бу янги саёҳатда менга қўшилинг", – деб ёзди Криштиану ижтимоий тармоқларда.

Роналду беш карра “Олтин тўп" соҳиби, беш карра Чемпионлар Лигаси ғолиби саналади. Шунингдек, у Португалия терма жамоаси билан биргаликда Европа чемпионати (2016) ва Миллатлар Лигаси (2018/19) мусобақаларида зафар қучган.

Link :

Source : Variety

Receive latest football news directly on your phone. Subscribe for our Telegram channel!

Rating: +9