Бугунги учта учрашувда кимнинг имконияти қандай?

«Қўқон-1912» (Қўқон) – «Нефтчи» (Фарғона)  
19 июнь 2015. Қўқон. "Марказий" стадион. 18:00
Ҳакамлар: Р. Бобомуродов (Навоий), М. Саидқосимов (Тошкент), Р. Серазетдинов (Тошкент), А. Рисқуллаев (Тошкент)
Назоратчи: Г. Имамов (Тошкент).
Имкониятлар: 45:55



Водий дербисида "Нефтчи" сафарда ўйнаса ҳам имконияти юқорироқ деб ҳисобланаяпти. Охирги учта учрашувда уч марта мағлуб бўлган "Қўқон-1912" ўз мухлислари қаршисида фақат ғалаба учун майдонга тушади. "Нефтчи" охирги икки ўйинда икки бор ғалабага эришди. Шу кунга қадар “Қўқон-1912” бу рақибни умуман мағлуб эта олмаганини ҳам эслатиб ўтамиз.

«Пахтакор» (Тошкент) – «Машъал» (Муборак)
19 июнь 2015. Тошкент. “Пахтакор” стадиони. 19:30
Ҳакамлар: В. Серазетдинов (Тошкент), Х. Шодмонов (Бухоро), Н. Рўзимов (Тошкент), А. Шукуруллаев (Тошкент)
Назоратчи: С. Нажафалиев (Тошкент).
Имкониятлар: 55:45



Мусобақа пешқадами бўлиб турган "Пахтакор" ўз майдонида "Машъал"ни қабул қилади. Муборак клубини тушуниб бўлмайди истаса сафарда "Динамо"ни енгиб қайтади, истаса "Шўртан"га ўз уйида ютқазиб қўяди. Бугунги ўйиндан олдин Тошкент клубининг кичик устунлигини тахмин қилаяпмиз. “Пахтакор” ўз майдонида бўлиб ўтган учрашувларда ушбу рақибни 12 марта таслим қилган. “Машъал” сафарда бир бор ғалаба қозонган ва бир марта дуранг ўйнаган. Охирги олти ўйинда “шерлар” фақат ғалаба қозонишган.

«Насаф» (Қарши) – «Динамо» (Самарқанд)
19 июнь 2015. Қарши. “Марказий” стадиони. 20:00
Ҳакамлар: Ш. Қосимов (Тошкент), А. Усмонов (Тошкент), А. Цапенко (Тошкент вил.), Д. Мухторов (Тошкент)
Назоратчи: С. Эрматов (Тошкент).
Имкониятлар: 60:40



Бу мавсумда сафарда умуман ғалаба қозона олмаган "Динамо" Қаршида "Насаф" қаршилигини енгишга уринади. Бироқ Рўзиқул Бердиев шогирдлари ўз майдонларида унча мунча рақибга очко беришмайди. Бугунги ўйинда ҳам кўпчилик "аждарлар"нинг ғалабасини тахмин қилмоқда. Охирги уч йилда бу жамоалар ўртасида Қаршида ўтган учта ўйинда мезбонлар ғалаба қозонишган.