Бугун U23 Осиё чемпионати старт олади

Осиё қитъасининг энг кучли 16 жамоаси ёзда Рио де Жанейрода бўлиб ўтадиган Олимпиада ўйинларига бериладиган учта йўлланма учун бугундан курашга киришадилар.

Дастлабки кунги баҳсларда "A" гуруҳи вакиллари ўйин ўтказишади.

Сурия - Эрон ўртасидаги учрашув билан турнир расман старт олади. Қатар ва Хитой ўртасидаги баҳс эса очилиш учрашуви сифатида эътироф этилган.

Эртага Ўзбекистон олимпия терма жамоаси Жанубий Кореяга қарши майдонга тушади. Бу ўйин Тошкент вақти билан соат 21:30да бошланади. Спорт телеканали ўйинни жонли равишда эфирга узатади.

1-тур жуфтликлари билан танишиб олинг:
12 январь
18:30 - Сурия - Эрон
21:30 - Қатар - Хитой

13 январь
18:30 - Япония - КХДР
18:30 - Ироқ - Яман
21:30 - Саудия Арабистони - Таиланд
21:30 - Жанубий Корея - Ўзбекистон

14 январь
18:30 - Иордания - Вьетнам
21:30 - Австралия - БАА