Бугун Туркманистон клуби ОФК кубогини қўлга киритиши мумкин

Унда Ироқнинг "Эйр Форс Клуб" ва Туркманистоннинг "Олтин Аср" клублари тўқнаш келишади. Учрашув Тошкент вақти билан соат 21:00да бошланади.

Маълумот учун, "Эйр Форс" охирги икки йил ОФК кубогини ҳеч кимга бермай келмоқда. 2016 йил жамоа финалда Ҳиндистоннинг "Бенгалуру", 2017 йил Тожикистоннинг "Истиқлол" клубини мағлуб этганди. Агар Ироқ клуби бу сафар ҳам ғолиб бўлса "Ал Қувайт"нинг рекордини такрорлайди. Ушбу клуб ҳам уч марта ОФК кубогини қўлга киритган.

Туркманистон клуби ўз тарихида илк бор ОФК кубоги финалига чиқишга эришди. Агар "Олтин Аср" финалда зафар қучса ОФК кубогини қўлга киритган иккинчи Марказий Осиё клубига айланади. 2011 йил Ўзбекистоннинг "Насаф" клуби мусобақада чемпион бўлганди.

ОФК кубоги-2018. ФИНАЛ. 27 октябрь 2018 йил.
Басра, Ироқ. "Sport City Stadium" стадиони. 21:00 (Тошкент вақти)

"Эйр Форс Клуб" (Ироқ) - "Олтин Аср" (Туркманистон)

Бош ҳакам: Абдулраҳмон Иброҳим Ал Жассим (Қатар)
Қанот ҳакамлари: Толиб Салим Ал Марри, Сауд Аҳмад Ал Макалех (иккиси Қатар)
Захира ҳаками: Ҳамис Муҳаммад Ал Марри (Қатар)
Назоратчи: Перейра Вальтер Эдвард (Ҳиндистон)
Комиссар: Талал Маҳд Али Ал Сваилмейн (Иордания)