Бугун терма жамоамиз Фаластин билан ўйнайди
13 dec 2014 08:45
News

Бугун терма жамоамиз Фаластин билан ўйнайди

Дубай шаҳрида Осиё Кубоги-2015га тайёргарлик кўраётган Ўзбекистон миллий терма жамоаси бугун ўртоқлик учрашувини ўтказади.

Миржалол Қосимов шогирдлари бугун ОК-2015га йўлланма олган Фаластин терма жамоасига қарши майдонга тушишади.

Термамиз ҳозирга қадар ушбу йиғин доирасида Янги Зеландиянинг "Окленд Сити" клуби билан назорат учршувини ўтказишганди. Ўша баҳсда ҳисоб очилмаганди - 0:0.

Ўзбекистон терма жамоаси икки бор Фаластинга қарши ўйнаган. ЖЧ-2006 саралаши доирасидаги иккала ўйинда ҳам вакилларимиз 3:0 ҳисобларида зафар қучишган.

Фаластин ноябрь ойида Саудия Арабистони (0:2) ва Вьетнам (3:1) терма жамоалари билан ўртоқлик учрашуви ўтказганди.

Ўзбекистон билан баҳсдан сўнг 21 декабрда Ченду шаҳрида Хитой, 28 декабрда Теҳронда Эрон билан куч синашади.

Ўз тарихида илк бор Осиё Кубогида қатнашадиган Фаластин Австралиядаги қитъа чемпионатида Япония, Иордания ва Ироқ терма жамоалари билан бир гуруҳдан ўрин олган.

Link :

Source : championat.asia

Receive latest football news directly on your phone. Subscribe for our Telegram channel!

Rating: