Бугун қайси жамоалар ЖЧ-2018га чиқиши мумкин?

Айни пайтга қадар Россияда ўтадиган мундиалда иштирок этувчи 8та жамоанинг номи маълум: Россия (мезбон), Бразилия, Эрон, Япония, Мексика, Бельгия, Жанубий Корея ва Саудия Арабистони.

Бугун тунда Европада ва Жанубий Америка қитъасида ўтадиган саралаш баҳсларидан сўнг яна 5та жамоа юқоридаги рўйхатдан жой олиши мумкин.

Германия

Йоахим Лев шогирдлари бугун сафарда Шимолий Ирландияни мағлуб этса муддатдан аввал йўлланмага эга чиқади.  

C гуруҳи
Озарбайжон - Чехия 21:00 (барча соатлар Тошкент вақти билан)
Шимолий Ирландия - германия 23:45
Сан Марино - Норвегия 23:45

Англия

Инглизлар ҳам бугун ЖЧ иштирокчилари сафига қўшилишлари мумкин. Бунинг учун улар ўз майдонида Словенияни таслим қилишлари лозим. Гарет Саутгейт жамоасини дуранг ҳам қониқтириши мумкин, фақат бу ҳолатда параллель кечадиган Шотландия - Словакия учрашувида меҳмонлар ғалаба қозонмасликлари лозим бўлади.

F гуруҳи

Англия – Словения. 23:45
Шотландия – Словакия. 23:45
мальта - Литва. 23:45

Польша

E гуруҳида Польша ишонч билан пешқадамлик қилмоқда. Бугун сафарда Арманистонни мағлуб этилса ва Черногория ҳамда Дания ўртасидаги баҳсда ғолиб аниқланмаса Левандовски ва унинг шериклари Россияга йўлланмани қўлга киритишади.

Е гуруҳи
Арманистон – Польша. 21:00
Черногория – Дания. 23:45
Руминия - Қозоғистон. 23:45

Уругвай

Жанубий Америка қитъасидаги саралашида жуда чигал вазият юзага келган. Бразилия мундиалга чиқиб бўлган. Уругвай бугун сафарда Венесуэлани таслим қилса кейинги ёзда Россияга боради. Дуранг ҳам Луис Суарес жамоасига етарли бўлиши мумкин, аммо бу ҳолатда жамоанинг тақдири бошқа ўйинларга боғлиқ бўлиб қолади.

Колумбия

Колумбияликлар ҳам бугун йўлланмага эга чиқишлари мумкин. Бунинг учун ўзлари Парагвайни мағлуб этишлари ва бошқа ўйинлардаги натижаларни кутишлари талаб этилади.

01:00 Боливия - Бразилия     
02:00 Венесуэла - Уругвай     
04:30 Колумбия - Парагвай     
04:30 Чили - Эквадор     
04:30 Аргентина - Перу