Бугун олий лиганинг учта клуби Кубок ўйинларини тарк этади

"Сўғдиёна" ўз майдонида "Бухоро"ни қабул қилади. Эсингизда бўлса, Бухорода кечган биринчи учрашувда 1:1 ҳисоби қайд этилганди. Бугунги баҳсдан сўнг қайсидир жамоа Кубок билан хайрлашади. "Сўғдиёна" ўз майдонида тўп тепишини ҳисобга олсак, "Бухоро"да имконият катта бўлмаса керак.

Яна бир учрашув Бекободда "Металлург" ва "Қўқон-1912" жамоалари ўртасида кечади. Қўқондаги биринчи ўйинда мезбонлар 2:0 ҳисобида зафар қучишган. Катта эҳтимол билан жавоб баҳси ҳам "Қўқон-1912" фойдасига ҳал бўлади. Чунки "Металлург"га Кубок керак эмасга ўхшаяпти.

Албатта, марказий учрашув Ғузорда кечади. 1/8 финалнинг жавоб ўйинида "Насаф" "Пахтакор"га қарши баҳс олиб боради. Яхши биласиз, Тошкентдаги ўйинда "Насаф" 3:0 ҳисобида ғалабага эришганди. Жавоб баҳсида "Пахтакор"га қийин бўлиши турган гап. Бу ўйиндан сўнг ҳам Кубокка асосий даъвогар жамоалардан бири мусобақа билан хайрлашади.

Ўзбекистон Кубоги–2017
1/8 финал жавоб ўйинлари

30 май, сешанба

18:00 - «Металлург» (Бекобод) – «Қўқон-1912» (Қўқон)
Ҳакамлар: А. Рисқуллаев (Тошкент), С. Ҳакимов (Самарқанд), Ш. Камаров (Самарқанд), Д. Жалимов (Тошкент вил.)
Назоратчи: О. Дачев (Тошкент).

18:30 - «Насаф» (Қарши) – «Пахтакор» (Тошкент)
Ҳакамлар: З. Қодиров (Навои), О. Жумаев (Навои), Р. Самандаров (Навоий), К. Расулов (Қарши)
Назоратчи: Р. Айтеков (Тошкент).

19:00 - «Сўғдиёна» (Жиззах) – «Бухоро» (Бухоро)
Ҳакамлар: Р. Бобомуродов (Навоий), Ф. Ёрмуҳамедов (Тошкент), Б. Баҳромов (Тошкент), Б. Йўлчараев (Гулистон)
Назоратчи: Ш. Джумаев (Қарши).