Бугун ОЧЛ саралашига старт берилади

Хабарингиз бор, “Насаф” иштирок этаётган “D” гуруҳидан ажратилган бир ўрин учун бир йўла уч давлат жамоаси кураш олиб боради. Бугун Кувайтнинг “Ал-Қодисия” жамоаси ўз майдонида Иорданиянинг “Ал-Виҳдат” клуби билан баҳс олиб боради.

Ўйин Тошкент вақти билан соат 20:15 га белгиланган. Битта учрашувдан иборат баҳс Кувайт шаҳридаги “Ал-Кувайт спортс клуб” стадионида ўтказалади. Ушбу жуфтлик ғолиби эса 17 февраль куни Саудия Арабистонида “Ал-Аҳли” жамоаси меҳмони бўлади. Жидда шаҳрида ўтадиган баҳсда ғолиб чиқадиган жамоа Осиё чемпионлар лигасининг “D” гуруҳида баҳсларни давом эттиради.

Эслатиб ўтамиз, “D” гуруҳида “Насаф” билан бирга Эроннинг “Тракторсози”, Бирлашган Араб Амирликларининг “Ал-Аҳли” ва плей офда ғолиб чиққан жамоа кураш олиб боради.