Бугун "Насаф" - "Қизилқум" назорат учрашуви бўлади

Назорат учрашувида жамоага Навоийнинг "Қизилқум" жамоаси рақиблик қилади.

Ушбу назорат учрашуви Тошкент шаҳридаги  "Бунёдкор" футбол академияси майдонида соат 12:00да бошланади.

Айни вақтда кончилар сафида бир қатор собиқ "Насаф" жамоаси ўйинчилари фаолият юритаётгани, бўлажак ўйинга қизиқишни ошириши турган гап. "Насаф" таркибида бугун кимлар майдонда ҳаракат қилиши ҳам мухлислар диққат марказида турибди. Ҳамма катта қизиқиш билан кузатиб бораётган ёш ярим ҳимоячимиз Азизжон Ғаниев кеча жамоамиз сафига қўшилган. Аммо у шу кунларда яна сафар тараддудини кўрмоқда. Унинг бугун майдонга тушиш ёки тушмаслигини албатта мураббийлар ҳал қилишади.

Хуллас, бугунги ўйин, назорат учрашуви мақомида бўлса ҳам, қизиқарли бўлишига шубҳа йўқ.