Бугун футбол. "Қўқон-1912" - "Сурхон"
25 jun 2020 13:55
News

Бугун футбол. "Қўқон-1912" - "Сурхон"

Tags : "Қўқон-1912"Сурхон Бугун футбол

Бугун Coca Cola Суперлигасининг 6-тур баҳсларига старт берилади.

Ўз майдонида аввалги учта ўйинни кетма-кет ғалаба билан якунлаган "Қўқон-1912" ўз майдонида "Сурхон"ни қабул қилади. "Қўқон-1912" жамоаси турнир жадвалида 9 очко билан 5-ўринни эгаллаб турибди. "Сурхон" ҳисобида эса 4 очко бор ва бу жамоа 11-поғонада боряпти.

Айтиб ўтганимиздек, "Қўқон-1912" бунгача ўтказилган бешта турдан учтасида ғалаба қозонди ва учала ғалаба ҳам уйдаги ўйинларда қўлга киритилди. Бугунги баҳс Қўқондаги тўртинчиси бўлади. Бахтиёр Ашурматов шогирдлари уйда навбати билан "Бухоро"ни 3:0, "Сўғдиёна"ни 2:1 ва "Қизилқум"ни 4:0 ҳисобида мағлуб этишди. Лекин жамоанинг сафар ўйинларида омади келмаяпти: иккита мағлубият.

"Сурхон" ҳисобида ҳозирча битта ғалаба бор, у ҳам Навоийда "Қизилқум" устидан 2:1 ҳисобида қўлга киритилган. Жамоа охирги учта турда бир бор дуранг ўйнаб, икки марта мағлуб бўлди. Бугунги ўйин термизликлар учун сафардаги учинчи баҳс бўлади. Жамоа ўтган тур Олмалиқда АГМК меҳмони бўлиб кичик ҳисобда имкониятни бой берди.

Бугунги қарама-қаршиликда "Қўқон-1912"нинг имконияти бирмунча юқори кўриняпти. Жамоа биринчидан ўз майдонида ўйнайди. Иккинчидан "Қўқон-1912" уй баҳсларида жуда ишончли ўйин кўрсатиб келяпти. Ўз навбатида "Сурхон"гаям уч очко керак, бу эса учрашув қизиқарли кечишидан дарак беряпти.

P.S. Соат 18:15да бошланадиган учрашувни "Спорт" телеканалида тўғридан тўғри кузатиб боринг.

Kokand-1912

Filip Rajevac - 50', Murod Khalmukhamedov - 70', Sukhrob Berdiev - 90'

Superliga. Round 6

25/06/2020, 18:15

Finished

Surkhon

45'

90'