Бугун футбол. "Персеполис"дан "камбэк" кўрамизми?
10 nov 2018 09:34
News

Бугун футбол. "Персеполис"дан "камбэк" кўрамизми?

Бугун Осиё чемпионлар лигасининг финал жавоб учрашуви бўлиб ўтади.

Теҳрондаги машҳур "Озоди" стадионида "Персеполис" Япониянинг "Кашима Антлерс" клубини қабул қилади. Хабарингиз бор, Кашима шаҳрида кечган биринчи ўйинда майдон эгалари 2:0 ҳисобида зафар қучишган, ўшанда Лео Сильва ва Сержиньонинг голлари японияликларга ғалаба келтирганди.

Мана энди жавоб баҳси олдидан "Персеполис" бирмунча қийин вазиятда қолган. Чунки жамоага 0:2 ҳисобидаги мағлубиятни ўнглаш осон бўлмайди. Албатта, бугунги ўйинда "Персеполис"нинг энг катта ютуғи 12-ўйинчи, яъни мухлислари бўлади. "Озоди" стадиони мухлислар билан тўлиб тошиши кутиляпти. Агар мезбонлар тезкор гол киритишни уддалай олишса, қолган дақиқаларда ғалабага умид қилишлари мумкин.

Эслатиб ўтамиз, бугунги баҳс Тошкент вақти билан 20:00да бошланади.

Link :

Source : championat.asia

Receive latest football news directly on your phone. Subscribe for our Telegram channel!

Rating: +8