Бугун футбол. "Пахтакор" - "Бунёдкор"
19 jun 2020 13:59
News

Бугун футбол. "Пахтакор" - "Бунёдкор"

Бугун бўлиб ўтадиган иккита ўйин билан Coca Cola Суперлигасининг 5-турига старт берилади.

Мамлакатимизнинг амалдаги чемпиони "Пахтакор" ўз майдонида "Бунёдкор"ни қабул қилади. Турнир жадвалида ёнма-ён ўринларда бораётган жамоаларнинг ўзаро тўқнашуви. Ҳар икки жамоа дастлабки тўртта турдан сўнг бир хил 9 очкодан жамғарган. Шунингдек, ҳар икки клуб ҳисобида учтадан ғалаба бор.

Жорий мавсумни ғалаба билан бошлаган "Пахтакор" дастлабки уч турда қаторасига ғалабага эришди. Шота Арвеладзе шогирдлари навбати билан "Навбаҳор" (2:1), "Бухоро" (3:0) ва "Металлург" (4:1) клубларидан устун келишди. Карантиндан сўнг жамоа илк ўйинини сафарда "Сўғдиёна"га қарши ўтказиб, 0:1 ҳисобида имкониятни бой берди.

"Бунёдкор" эса бу йилги чемпионатни кетма-кет иккита ғалаба билан бошлади. Вадим Абрамов шогирдлари илк турда "Сурхон"ни (3:1) мағлуб этиб қайтишди. Сўнгра "Машъал"дан кичик ҳисобда (1:0) устун келишди. Лекин 3-турни Олмалиқда ўтказган "қалдирғочлар" 0:2 ҳисобида мағлуб бўлишди. Ўтган турда жамоа яна ғалаба қозонишнинг уддасида чиқди. Бу сафар "Қўқон-1912" 1:0 ҳисобида мағлуб этилди.

Бугунги ўйинда "Пахтакор"нинг имкониятлари юқори баҳоланмоқда. Жамоа биринчидан ўз майдонида ўйнайди, иккинчидан Жиззахдаги мағлубият тасодиф эканлигини исботлашга ҳаракат қилади.

"Бунёдкор" эса ўтган йил "Пахтакор"ни мағлуб этишнинг уддасидан чиққанди. Жамоа бу йил ҳам бу ишни уддалай оладими? Буни ўйин якунида билиб оламиз.

P.S. Соат 20:00да бошланадиган ўйинни "Спорт" телеканалида тўғридан тўғри кузатиб боринг.

Pakhtakor

Sardor Sobirkhodjaev - 1', Dragan Ceran - 40', Dragan Ceran - 42', Eren Derdiyok - 45'

Superliga. Round 5

19/06/2020, 20:00

Finished

Bunyodkor

Lutfulla Turaev - 62'

45'

90'