Бугун футбол. "Обод" - "Нефтчи"

Олий лига. 24-тур. 1 октябрь
ОБОД - НЕФТЧИ
Бошланиш вақти 17:00

Турнир жадвалидаги ўрни: "Обод" 15-ўринда (16 очко), "Нефтчи" 8-ўринда (28 очко)
Очколар орасидаги фарқ - 12 очко

Таъриф: Аввалги турда "Локо" билан дуранг ўйнаб, ўзига хос сенсацияни юзага келтирган "Обод" бу турда "Нефтчи" билан беллашади. Иккала жамоанинг кайфияти юқори. Чунки "Нефтчи" ҳам ўтган турда очко олишга эришди. Фарғоналиклар "Олмалиқ"дан устун келишди. Бугун қизиқ учрашув кечиши кутилмоқда. Гарчи "Нефтчи" номдор бўлгани билан "Обод"дан ҳам муносиб қаршилик кутса бўлади.

Факт: "Обод" иккинчи даврада ҳозирча иккита ғалабага эришган ва иккаласи ҳам уйдаги ўйинларда қўлга киритилди. Умуман олганда, "Обод" жорий мавсум "Жар" стадионида 11та ўйин ўтказиб, шундан фақат учтасида ғалабага эришган.

Факт: "Нефтчи" ҳам иккинчи даврада ҳозирча икки бор зафар қучди. Ва фарғоналикларда ҳам иккита ғалаба уйдаги беллашувларда қўлга киритилган. "Нефтчи" ҳозирча сафар ўйинларида уч очкони қўлга киритгани йўқ.

Эслатма: Фарғонада кечган биринчи давра беллашувида "Нефтчи" 1:0 ҳисобида ғалабага эришган.