Бугун футбол. "Нефтчи" - "Динамо"
14 jun 2017 13:15
News
![](https://championat.asia/upload/storage/259301_original.jpg)
![](/upload/storage/259301_220.jpg)
Бугун футбол. "Нефтчи" - "Динамо"
18:00 - «Нефтчи» (Фарғона) – «Динамо» (Самарқанд)
Ҳакамлар: В. Коваленко (Тошкент), А. Снетков (Тошкент вил.), А. Калинин (Қарши), Д. Мухторов (Тошкент).
Назоратчи: А. Ҳотамов (Тошкент).
ЎзПФЛ вакили: Б. Ҳайдаров.
Турнир жадвалидаги ўрни: "Нефтчи" 10 очко билан 15-ўринни эгаллаб турибди. "Динамо" эса 15 очко билан 9-ўринда бормоқда.
Ўйиндан нима кутяпмиз? Ўз майдонида тўп тепадиган "Нефтчи" бугунги янги бош мураббий - Вадим Абрамов қўл остида ўзининг илк учрашувини ўтказади. Абрамов ўз дебютини бугун ғалаба билан бошлашга уриниб кўради. Имкониятлар борасида "Нефтчи" устун, аммо "Динамо" ҳам қараб турмаса керак. Чунки бу жамоага ҳам ғалаба жуда зарур.
Факт: Бу ўйин "Нефтчи" учун уйдаги олтинчи беллашув бўлади. Жамоа аввалги бешта баҳснинг фақат биттасида ғолиб чиққан. "Нефтчи" ўз майдонида "Обод"дан устун келган.
Биласизми? "Нефтчи" шу пайтгача фақат икки марта ғалабага эришган. Фарғоналиклар уйда "Обод", сафарда "Сўғдиёна"ни мағлуб этишган. Қизиғи шундаки, "Нефтчи"нинг ҳар иккала ғалабали ўйинида 1:0 ҳисоби қайд этилган.
Биласизми? "Нефтчи" охирги икки ўйинни сафарда ўтказиб, бир дуранг ва бир мағлубият қайд этди.
Факт: Ҳозиргача сафарда олтита ўйинда майдонга тушган "Динамо" шундан иккитасида олти очко билан қайтган. Самарқандликлар сафарда "Металлург" ва "Пахтакор"дан устун келишган. "Динамо" сафарда 7 очкони қўлга киритган ва бу борада улар "Насаф", "Пахтакор" ва "Бунёдкор"дан яхши кўрсаткичга эга.
Биласизми? "Динамо" охирги олтита ўйинда ғалаба қозона олмади: уч дуранг, уч мағлубият.
Similar news
![AMP Logo](https://championat.asia/image/logo-amp.png)
Comments