Бугун футбол. "Нефтчи" - АГМК
05 apr 2018 13:29
News

Бугун футбол. "Нефтчи" - АГМК

Бугун Суперлиганинг 5-тур баҳсларига старт берилади. "Нефтчи" ўз майдонида Олмалиқ шаҳрининг АГМК клубини қабул қилади.

Бугунги баҳс "Нефтчи" учун жуда муҳим. Чунки жамоа мана тўрт турдирки ғалаба қозона олмаяпти. Ғалаба қозониш тугул "Нефтчи" ҳатто гол ура олгани йўқ. Умуман олганда, фарғоналиклар Суперлигада тўп киритмаган ягона жамоа бўлиб туришибди. "Нефтчи" бунгача ўз дарвозасидан тўрт бор гол ўтказиб юборди.

АГМК бугун сафарда учинчи бор майдонга тушади. АГМК сафар баҳсларида ҳали ғалаба қозона олгани йўқ: "Бунёдкор" билан 1:1 ўйнаган бўлса, "Пахтакор"га 1:2 ҳисобида мағлуб бўлди.

Биласизми? АГМК ҳозирча сафар ўйинларида биттадан кўп тўп кирита олмаяпти. Жамоа "Пахтакор" ва "Бунёдкор" дарвозасини бир мартадан ишғол қилган.

Факт: "Нефтчи" ўз майдонида умуман АГМКга мағлуб бўлмаган: 9та ғалаба ва бир дуранг.

Link :

Source : championat.asia

Receive latest football news directly on your phone. Subscribe for our Telegram channel!

Rating: +2