Бугун футбол. "Насаф" - "Динамо"
20 oct 2017 16:15
News

Бугун футбол. "Насаф" - "Динамо"

Бугун олий лиганинг 25-туридан ўрин олган тўртта учрашув ўтказилади. "Насаф" ўз майдонида "Динамо"га қарши баҳс олиб боради.

"Насаф" имкон бўлиб қолса чемпионлик ёки бўлмаса иккинчи ўрин учун баҳс олиб бормоқда ва буёғига ҳар бир баҳсда ғолиб бўлишга ҳаракат қилади. "Насаф"нинг иккинчи даврадаги ишлари ажойиб дея оламиз. Жамоа тўққиз ўйиндан еттитасида ғалаба қозониб, фақат икки бор ютқазди.

Қизиғи шундаки, "Насаф" кетма-кет олтита ўйиндан бери гол ўтказмай зафар қучиб келмоқда. Буни эса жуда яхши кўрсаткич деса бўлади. "Динамо"га келсак, бу жамоа аввалги турларда гол ура олмаётганди. Ҳатто шундай бўлдики, "Динамо" қаторасига ўнта беллашувда тўп кирита олмади.

Биласизми? "Динамо" сафардаги охирги икки ўйинни дуранг билан якунлади. Жамоа "Бухоро" ва "Сўғдиёна" билан 0:0 ўйнади. Лекин бугун самарқандликларга осон бўлмайди, чунки "Насаф" ўз майдонида ҳужумкор футбол намойиш этади.

Link :

Source : championat.asia

Receive latest football news directly on your phone. Subscribe for our Telegram channel!

Rating: +6