Бугун футбол. "Андижон" - "Қизилқум"

Олий лига. 24-тур. 1 октябрь
АНДИЖОН - ҚИЗИЛҚУМ
Бошланиш вақти 16:00

Турнир жадвалидаги ўрни: "Андижон" 16-ўринда (23 очко), "Қизилқум" 7-ўринда (37 очко).
Очколар орасидаги фарқ - 14 очко .

Таъриф: Олий лига жадвалида охирги ўринни эгаллаб турган "Андижон" элитада қолиш имкониятларини сақлаб қолиш учун "Қизилқум"ни мағлуб этишга уриниб кўради. "Андижон" жамоаси ўз майдонида "Насаф" билан дуранг ўйнаб, сафарда "Машъал"га йирик ҳисобда ютқазиб қўйди. Бугун "Қизилқум" ҳам бўш келмаса керак, негаки навоийликлар охирги тўртта ўйиндан бери ғалаба қозона олишмади. Шу боис Андижонда қизиқарли баҳс кечиши кутилмоқда.

Факт: "Андижон" иккинчи даврада фақат икки бор ғалаба қозонди. Жамоа охирги тўртта ўйиннинг учтасида мағлуб бўлди ва бир марта дуранг ўйнади. Умуман олганда, андижонликлар уйда ўтказилган 11та учрашувдан тўрттасида ғалаба қозониб, бир бор дуранг ўйнашган ва олти марта мағлуб бўлишган. Тўплар нисбати 10-16.

Факт: "Қизилқум" иккинчи даврани қаторасига тўрт ғалаба билан бошлади ва кейинги тўртта ўйинда зафар қуча олмади. Жамоа икки бор дуранг ўйнаган бўлса, яна икки марта ютқазиб қўйди. Мавсум бошидан бери "Қизилқум" сафардаги 11та учрашувда 14 очко жамғарган. Тўртта ғалаба, икки дуранг ва беш мағлубият. Тўплар нисбати 11-14.

Эслатма: Навоийда кечган биринчи давра учрашувида майдон эгалари 2:1 ҳисобида зафар қучишган.