Бугун Европа Чемпионлар лигаси 1/8 финалига қуръа ташланади

16та клуб иккита саватчага ажратилган: Битта гуруҳда иштирок этган ва битта давлат клублари бу босқичда ўзаро тўқнаш келишмайди.

Бундан ташқари Россия ва Украина клублари ҳам тўқнаш келмайди.

Гуруҳ ғолиблари: «Реал», «Вольфсбург», «Атлетико», «Манчестер Сити», «Барселона», «Бавария», «Челси», «Зенит».

Иккинчи ўрин соҳиблари: ПСЖ, ПСВ, «Бенфика», «Ювентус», «Рома», «Арсенал», «Динамо» Киев, «Гент».

1/8 финалнинг илк учрашувлар 16-17 ва 23-24 февраль кунлари бўлиб ўтади. Дастлабки ўйинни гуруҳ ғолиблари сафарда ўтказишади. Жавоб баҳслари 8-9 ва 15-16 март кунлари бўлиб ўтади.

Қуръа ташлаш маросими бугун Тошкент вақти билан соат 16.00да бошланади.

Сизнинг фикрингизча жуфтликлар қандай кўриниш олади? Демак, тахмин қиламиз!