Бугун Англия Суперкубоги учун баҳс ёхуд "Арсенал" - "Манчестер Сити"
10 aug 2014 14:16
News

Бугун Англия Суперкубоги учун баҳс ёхуд "Арсенал" - "Манчестер Сити"

10 август куни Тошкент вақти билан соат 19:00да Лондондаги "Уэмбли" стадионида Англия Суперкубоги учун баҳс бўлиб ўтади.

Англия кубоги соҳиби "Арсенал" клуби Англия чемпиони "Манчестер Сити" билан соврин учун курашади.

Ёзда "Арсенал" сафига Матье Дебюши ("Ньюкасл"), Калум Чамберс ("Саутгемптон"), Давид Оспина ("Ницца") ва Алексис Санчес ("Барселона") каби футболчилар қўшилишди.

Бакари Санья, Лукаш Фабянски, Никлас Бендтнер, Эмилиано Вивиано, Ким Чельстрем каби футболчилар эса клубни тарк этишди.

"Сити" ҳам ёзда бир қатор футболчиларни сотиб олди. Улар орасида айнан "канонирлар" ҳимоячиси Бакари Санья ҳам бор. Бундан ташқари Фернандо ("Порту"), Вилли Кабальеро ("Малага") ва Эльяким Мангала ("Порту") янги мавсумда "шаҳарликлар" шарафини ҳимоя қилишади.

Костел Пантилимон ва Жолеон Лескотт клубдан кетишга қарор қилишди.

Баҳсни Майкл Оливер бошчилигидаги ҳакамлар бригадаси бошқари боради. Ўйин "Россия-2" телеканали орқали намойиш этилади.

"Арсенал" ҳисобида 12та Суперкубок мавжуд. "Сити" эса тўрт бор мана шу совринга эга чиққан.

АРСЕНАЛ - МАНЧЕСТЕР СИТИ
10 август. Лондон. "Уэмбли" стадиони. 19:00
Ҳакам - Майкл Оливер (Нортумберленд, Англия).
Трансляция - Россия-2

Нарзулла Сайдуллаев тайёрлади.

Link :

Source : championat.asia

Receive latest football news directly on your phone. Subscribe for our Telegram channel!

Rating: