Бугун Андижонда катта футбол!

Маълумки, мамлакатимизда мухтарам президентимиз ташаббуси билан миллионлар ўйини бўлмиш футболга бўлган эътибор янада ортди. Хусусан, Андижон вилояти хокими Шуҳратбек Абдураҳмонов вилоятда футболга катта эътибор қаратмоқда.

Шахсан Шуҳратбек Қўшақбаевичнинг ташаббуси билан Андижон видлоятида илк бор ўз маҳалла ўрамида яшовчи 18 ёшдан 30 ёшгача бўлган уюшмаган ёшлар ўртасида футбол бўйича «Вилоят хокими Кубоги» мусобақаси ўтказилмоқда. Мусобақанинг шаҳар ва туман босқичлари якунига етди. Эндиги навбат финал учрашувига. Унда Андижон шаҳрининг “Бунёдкор” ва Андижон туманининг “Жохонобод” маҳалла жамоалари ўзаро ғолиблик учун кураш олиб боради.
Шиддатга бой ва жангавор руҳда кечиши кутилаётган финал учрашуви олдидан “Соғлом авлод” стадионида соат 18:00дан бошлаб, концерт дастури старт олади. Унда вилоятимизнинг бир қатор таниқли хонандалари ўзининг дилтортар қўшиқлари билан стадионга ташриф буюрганларга хуш кайфият улашади. Стадионга кириш бепул. Мусобақа иштирокчилари кўплаб қимматбаҳо ва эсталик совғалар билан тақдирланади.
Айтганча финал учрашувини Суперлига ҳакамлари: Темур Тўхтасинов, Анвар Маражабов, Зиёдулло Абдураҳмонов бошқариб борадиган бўлди.

Шунингдек мазкур финал учрашувига Андижон вилояти ҳокими Ш.Абдураҳмоновнинг шахсан ўзи ташриф буюриб, совриндорларни тақдирлайди.  

Шундай экан футбол ишқибозларини финал учрашувига чорлаймиз!