Буффон ёшлигидан "Боруссия Менхенгладбах" мухлиси экан (қизиқ ҳикоя)

Бутун дунё Бундеслига мисолида футболнинг қайтишини кузатмоқда: ўзингизга немис клублари ичидан энг севимлисини танлаш учун қулай фурсат. Шошилинг, бўлмаса Ла Лига бошланиб, Бундеслига яна нечинчидир планга тушиб қолади. Мисол учун, Жанлуижжи Буффон бу борада чаққонроқ чиқди. Италиялик афсона бундан бир неча йил аввал Германияда Менхенгладбахнинг "Боруссия"сига бефарқ эмаслигини айтиб ўтган.

Масала Жижжи учун қадрдон оқ-қора йўл-йўл рангларда ҳам эмас, балки клубнинг айтиш учун мураккаб номидадир. 

"Мен ёшлигимдан "Боруссия" мухлисиман. Нега дейсизми? Шунчаки, мен ҳеч қачон бу клубнинг номини айта олмасдим. У доим эътиборимни тортган. Бугунги кунда клуб номини тўлиқ айта оламан, лекин қанчалик тўғри талаффуз қилаётганимни ҳамон билмайман", — тан олади Буффон.

Мана исбот – севимли немис клуби шарфи билан тушилган сурат.

2015 йил "Ювентус" ва "Боруссия" Чемпионлар Лигасида тўқнаш келди ва икки бор дуранг қайд этилди. Гладбахдаги ўйин 1:1, Буффон ўша куни чинакам қахрамон бўлган: 7та аниқ зарбадан бор йўғи 1тасини қайтара олмаган, кўплаб сейвлар амалга оширган ва муҳим паллаларда панд бермаган.

Учрашув якунлангач дарвозабон қўлқопларини мезбон жамоа мухлислари жойлашган трибунага отади: мақсад битта — "Боруссия" шарфини қўлга киритиш эди. 

Дурангдан ранжиган мухлислар эса Буффоннинг ушбу клубга бефарқ эмаслигини билишмасди. Қайд этиш лозим, "Боруссия" хатони жуда тез тўғрилайди ва Буффон "Гладбах" борасида интервью бериши биланоқ унга клубнинг махсус шарфини жўнатади.

Дарвоқе, шарфдаги ёзувлар ҳам ўзига хос – "Боруссия"нинг халқаро бренди. Эътиборлиси, у ҳам 2016 йил клуб ЕЧЛда қатнашиши натижасида пайдо бўлган. Учрашувларнинг бирида "Боруссия" "Селтик" меҳмони бўлган, Глазгодаги кафеларнинг бири клуб номини тўғри ёза олмай қийналади (бу иш, клуб номини тўғри айтишдан ҳам қийинроқ). Нима қилишни билмаган шотландлар оддий қилиб "Немис жамоаси" деб ёзиб қўйишади.

Гладбахликлар шундан сўнг ўзларининг инглиз тилида юритилувчи твиттер-аккаунтлари номини ўзгартиришади. Буффон каби клуб номини айта олмай қийналадиган ишқибозлар учун.

Эслатиб ўтамиз, кеча қайта бошланган Бундеслига доирасида "Боруссия Менхенгладбах" сафарда Франкфуртнинг "Айнтрахт" жамоасини мағлуб этди ва 3-ўринга кўтарилиб олди.

Eintracht Frankfurt Andre Silva - 81'

1. Bundesliga . Round 26 16/05/2020, 22:30 3 : 1 Finished

Borussia Moenchengladbach Alassane Plea - 1', Marcus Thuram - 7', Ramy Bensebaini - 73'

Stadium: Commerzbank Arena, 0 spectators

Referee: Felix Zwayer

45'

90'

24'  Filip Kostic

36'  Evan N'Dicka

46'  Djibril Sow (Andre Silva)

59'  Andre Silva

70'  Stefan Ilsanker

74'  Stefan Ilsanker (Timothy Chandler)

74'  David Abraham (Makoto Hasebe)

78'  Daichi Kamada (Mijat Gacinovic)

81'  Andre Silva

81'  Sebastian Rode

83'  Evan N'Dicka (Dominik Kohr)

89'  Dominik Kohr

1'  Alassane Plea

1'  Jonas Hofmann

7'  Marcus Thuram

7'  Ramy Bensebaini

9'  Nico Elvedi

66'  Marcus Thuram (Patrick Herrmann)

73'  Ramy Bensebaini

78'  Ramy Bensebaini (Oscar Wendt)

78'  Breel Embolo (Lars Stindl)

90'  Alassane Plea (Tony Jantschke)

90'  Florian Neuhaus (Laszlo Benes)

Open in Match Center

Омонжон Тўхтамирзаев таржимаси