Буффон: "Агарда ЕЧЛни ютиш истаги бўлмаганида фаолиятимни аллақачон тугатардим"

"Бу жуда чиройли скудетто бўлди. Кетма-кет беш йилдан буён қўлга киритилган чемпионликнинг дастлабкиси кутилмаганлиги билан ширин бўлганди. Бу сафаргиси эса ўта қийинчилик билан қўлга киритилгани туфайли янада ёқимли. Бу катта ғалабамизни яқинда жароҳат олган Маркизиога бағишлаймиз. ТУрнир жадвалида 15-поғонада борганимизда ҳам "камбэк" ҳақида ўйлар йўқ эмасди. Биз руҳий томонлама ва техник тарафлама жуда юқори сифатимизни намойиш эта олдик. Бу каби сифатлар билан ҳамма ҳам мақтана олмайди. ЕЧЛ? Ўйлашимча, ҳали яна 2-3 йил футбол ўйнайман. Агарда ЕЧЛда ғолиб бўлиш истаги бўлмаганида, мен аллақачон фаолиятимни тугатардим", - дейди Буффон.