Бруно Формонсо Гарсия: "Омад биз томонда бўлди"

"Бугунги ўйинда омад биз томонда бўлди. Биринчи бўлимдан сўнг ўйинимиз янада кучайди. Шогирдларим кўрсатмаларимини тўлиқ бажарди. Жамоам бугун ҳақли равишда ғалаба қозонди деб ўйлайман, бундан хурсандман. Шогирдларимга прессингда ўйнашни айтган эдим. Шунингдек биз учун ўйинни бошқариш муҳим эди. Биринчи ўйиндаги хатоларимизни такрорламасликка ҳаракат қилдик. Чунки Хитой Тайпейи илк баҳсда хатоларимиздан фойдаланган ҳолда дарвозамизни бир неча бора ишғол қилди. Учрашув давомида футболчиларимиз бир бирини ўрнини тўлдириб ҳаракат  қилишди. Тўртинчи гол учрашув тақдирига нуқта қўйди. Рақиб жамоа футболчиларини "нафас олишига" имкон бермадик.

Ўтган сафарги баҳс билан таққослайдиган бўлсак, бугунгисида ўйинимиз бошқача бўлди. Агар футболчиларим кўрсатмаларим бўйича ҳаракат қилишса исталган рақибга қарши ўйинда керакли натижани қўлга кирита оламиз. Айтиб ўтганимдек омад биз томонда бўлди" - дейди Бруно Формонсо Гарсия.