Британиянинг энг бой одами тез орада МЮ учун таклиф билан чиқади

Англиянинг "Манчестер Юнайтед" клуби эгалари Жоэл ва Аврам Глейзерлар клубни сотувга қўйди. 

Сэр Рэтклифф имкониятни қўлдан чиқармоқчи эмас ва яқин орада расмий таклиф билан чиқади. 

70 ёшли Рэтклиффга ўзи мухлислик қиладиган клубни сотиб олиш жуда қизиқарли туюляпти. Шунингдек, у "Ливерпул"дан кўра МЮни сотиб олишни тўғрироқ, деб ҳисобламоқда. Агар у чиндан ҳам бунга қўл урмоқчи бўлса, Глейзерларни кўндириш учун каттагина маблағ тўлашига тўғри келади. Америкаликлар МЮ учун 8,25 миллиард фунтлик нарх белгилади. Бироқ бу нарх ҳақиқатга тўғри келмайди, деб қаралмоқда. 

Агар уларнинг талаблари шов-шувли тарзда қондирилса, "Манчестер Юнайтед" тарихдаги энг қиммат спорт клубига айланиши мумкин.