"Брест" ЕЧЛдаги 2 та ғалаба учун 4,2 млн евро олади. Бу клуб футболчиларнинг 6 ойлик маошини қоплашга етади
02 oct 2024 14:48
News

"Брест" ЕЧЛдаги 2 та ғалаба учун 4,2 млн евро олади. Бу клуб футболчиларнинг 6 ойлик маошини қоплашга етади

Франция клуби УEФА Чемпионлар Лигасининг умумий босқичини "Штурм" (уйда, 2:1) ва "Зальцбург" (меҳмонда, 4:0) устидан қозонилган ғалаба билан бошлади.

Бу босқичдаги ҳар бир ғалаба 2,1 млн евро мукофот пули олиб келади.

"RMC Sport" маълумотларига кўра, икки ғалаба учун тўланадиган 4,2 млн евро клубнинг йиллик операцион бюджетининг (48 млн) 8,75 фоизини ташкил қилади.

Қайд этилишича, 4,2 млн евро "Брест" футболчиларининг олти ойлик умумий маоши (бир ойлик иш ҳақи фонди 700 минг еврога баҳоланган) эквиваленти эканлиги қайд этилган.

"Брест" ўтан мавсум Лига 1 да 3-ўринни эгаллаган. Жамоа жорий мавсум олти ўйиндан кейин 6 очко билан турнир жадвалида 13-ўринда бормоқда.

Link :

Source : RMC Sport

Receive latest football news directly on your phone. Subscribe for our Telegram channel!

Rating: +2