Latest news

07:25"Ал Иттиҳод" мавсумни йирик ғалаба билан бошлади. Бенземадан хет-трик  0 02:31Ла Лига. "Реал" ўз уйида икки дақиқада 2 та гол уриб, "Мальорка"ни мағлуб этди  20 02:25А Серия. "Наполи" ва "Рома"да минимал ғалаба, "Аталанта" Пармада дуранг қайд этди  1 02:20Лига 1. "Тулуза" ва ПСЖ ўртасидаги ўйинда 9 та гол урилди  1 02:16Туркия Суперлигаси. "Ризеспор" Истанбулда "Галатасарой"га мағлуб бўлди, Алиқулов 73 дақиқа ўйнади  4 01:05Бундеслига. "Аугсбург" ва "Бавария" ўртасидаги ўйинда 5 та гол урилди  4 01:01Карлуш Кейруш: "Очиғини айтаман, бугун ғалаба қозонишимиз керак эди"  17 00:30Кападзе: "Кечирасизлар, лекин интернетда ёзилаётган нарсалар барчага таъсир қилмоқда"  37 23:35Бельгия Про лигаси. "Антверпен" меҳмонда мағлубиятга учради, Ўринбоев захирадан ўйинга қўшилди  1 22:37Гарначо 40 млн фунт эвазига янги клубига ўтди  6 22:11Ла Лига. "Атлетико" бу сафар "Алавес"ни юта олмади. Симеоне жамоаси уч ўйинда 2 очко жамғарди  2 22:09Ровшан Мередов: "Бундай турнирлар орқали нималар қўшишимиз кераклигини кўриб оляпмиз"  8 22:00Қирғизистон бош мураббийи: "Майдон ҳолати сифатли футбол кўрсатишга йўл қўймади"  7 21:55CAFA Nations Cup-2025. Ўзбекистон — Ўмон 1:1   30 21:32"CAFA Nations Cup-2025" Ўзбекистон илк ўйинда Кейруш бошчилигидаги Ўмонни юта олмади  376

Breaking: Суперлига-2019 формати тасдиқланди News

Breaking: Суперлига-2019 формати тасдиқланди

Суперлига-2019нинг формати тасдиқланди.

Ўзбекистон Суперлигасида вақти келиб жамоалар сони 16 тага қадар ошиши мумкин. Аммо 2019 йилда ҳам чемпионатда 12 та клуб ғолиблик учун кураш олиб боради. Ҳаммаси йил сайин рақобатбардош клублар сонининг ошишига боғлиқ.

2018 йилги мавсумда Суперлига беллашувлари “олтин очко” қоидасига кўра ўтказилган ва клублар жами 32 та учрашувда майдонга тушганди. Мазкур форматнинг энг асосий ўзига хосликлари сифатида марказий ўйинлар сонининг икки баробар кўп бўлиши ҳамда чемпионлик учун кураш масаласига аутсайдерларнинг аралашмаслигини кўрсатиш мумкин.

Профессионал футбол лигаси 2019 йилда 12 та клуб учун ишлаб чиқилган иккинчи форматни синаб кўришга қарор қилди. Унга кўра, жамоалар уй-сафар тизимида жами 22 та тур учрашувларини ўтказади. Қолган 11 та тур эса 22-турдан кейинги турнир жадвалига қараб тузиб чиқилади.

Бунда 1-ўринни қўлга киритган клуб учинчи даврада 2-ўрин соҳибини ўз уйида қабул қилади ҳамда 3-ўрин майдонига сафар этади. 4-ўрин эгасини ўз уйида қабул қилади ва 5-ўринни эгаллаган клуб майдонига сафар этади. Шу тариқа исталган жамоа 22-тур якунига кўра ўзидан кейинги ўринда турган клубни ўз майдонида қабул қилади ва кейингисининг майдонига сафар этади.

Мазкур форматда жамоалар мавсум сўнгига қадар иккига ажратилмайди. Клублар ишлаган очколар ўз ўрнида қолади. Учинчи давра тақвими 22-тур якунига етганидан сўнг 10 дақиқа ичида мухлисларга ҳавола этилади. Бунинг ҳеч қандай қийин жойи бўлмайди. Турлар кетма-кетлиги йил аввалида ташланган қуръа қандай кўриниш олган бўлса, 33-турга қадар шу кетма-кетликда қолади.

ПФЛ ҳамда ЎФА чемпионатнинг аввалги формати ўзини оқламагани учун эмас, икки йўлни солиштириш учун ҳам шундай қарорга келди. Агар 2020 йилда ҳам жамоалар сони 12 та бўлиб қолаверса, у ҳолда сўнгги икки йилдаги форматдан қай бири яхшироқлиги борасида катта сўровнома ўтказилади. У вақтда деярли барчада форматларни солиштириб олиш имконияти бўлади.

Аслида эса ўзбек футболидаги камчиликларни бартараф этишда формат ҳеч қандай роль ўйнамайди. Профессионал футбол лигаси мамлакат клубларини жиддий лицензиядан ўтказиш, уларнинг фаолиятини тартибга солиш ва ички чемпионатни кучайтириш йўлидаги изланишларини давом эттиради.

Rating: -44   

Comments

championat.asia
< show latest news
Яндекс.Метрика