Latest news

08:40Бухорога Суперлига ўйинларини қайтариш ҳаракати бошланди  1 08:17Sofascore. Захирадан майдонга тушган Ўринбоев энг катта баҳолардан бирини олди  3 07:52"CAFA Nations Cup-2025" . Қўшниларимиз ўзаро дуранг ўйнаган учрашувдан ФОТОГАЛEРEЯ  0 07:25"Ал Иттиҳод" мавсумни йирик ғалаба билан бошлади. Бенземадан хет-трик  0 02:31Ла Лига. "Реал" ўз уйида икки дақиқада 2 та гол уриб, "Мальорка"ни мағлуб этди  25 02:25А Серия. "Наполи" ва "Рома"да минимал ғалаба, "Аталанта" Пармада дуранг қайд этди  1 02:20Лига 1. "Тулуза" ва ПСЖ ўртасидаги ўйинда 9 та гол урилди  2 02:16Туркия Суперлигаси. "Ризеспор" Истанбулда "Галатасарой"га мағлуб бўлди, Алиқулов 73 дақиқа ўйнади  4 01:05Бундеслига. "Аугсбург" ва "Бавария" ўртасидаги ўйинда 5 та гол урилди  4 01:01Карлуш Кейруш: "Очиғини айтаман, бугун ғалаба қозонишимиз керак эди"  18 00:30Кападзе: "Кечирасизлар, лекин интернетда ёзилаётган нарсалар барчага таъсир қилмоқда"  49 23:35Бельгия Про лигаси. "Антверпен" меҳмонда мағлубиятга учради, Ўринбоев захирадан ўйинга қўшилди  1 22:37Гарначо 40 млн фунт эвазига янги клубига ўтди  7 22:11Ла Лига. "Атлетико" бу сафар "Алавес"ни юта олмади. Симеоне жамоаси уч ўйинда 2 очко жамғарди  2 22:09Ровшан Мередов: "Бундай турнирлар орқали нималар қўшишимиз кераклигини кўриб оляпмиз"  8

Бразилия Америка кубогига қарши – ҳатто футболчилар ҳам! News

Бразилия Америка кубогига қарши – ҳатто футболчилар ҳам!

Америка кубоги бошланишига бир ҳафтадан сал кўпроқ вақт қолди, ҳали ҳам мусобақанинг бўлиб ўтиши умуман аниқ эмас.

Сиёсий муаммолар туфайли Колумбия ушбу мусобақани биринчи бўлиб йўқотди, бир неча кундан сўнг у Аргентинадан коронавирус инфекциясининг кучайиши сабабли олиб қўйилди.

Можаро ичида

КОНМEБОЛда турнирни ўтказиш учун бир нечта вариант бор эди, аммо энг "оптимал" вариант танланди: турнир Бразилияга берилди, бу ерда коронавирус билан боғлиқ вазият Аргентинага қараганда ёмонроқ. "Пандемия бошиданоқ мен ўлимдан пушаймон эканлигимни айтдим, лекин биз яшашимиз керак",- деди Бразилия президенти Жаир Болсонару.

Болсонару нафақат халқ орасида, балки сиёсатчилар орасида ҳам қораланди. Хусусан, сенатор Ренан Калльерос Соғлиқни сақлаш вазири Марсело Кейрогани танқид қилди: "Кейрога соғлиқни сақлаш вазири эмас, балки ҳаракатсизлик ва сукунат вазири. Ҳозир йирик халқаро мусобақани ўтказиш - бу ўз жонига қасд қилиш. У шифокор, бу ҳақда айтиб бериши шарт. У нима қилди? Ҳеч нарса!"

Калльерос, шунингдек, Копа Американи "ўлим турнири" деб атади ва футболчиларни, айниқса Неймарни, яқинлари ўлишда давом этаётган бир пайтда мусобақанинг олдини олиш учун чоралар кўришга чақирди. Ижтимоий тармоқларда "Копа Америкага ҳозир йўқ" хештеги ишга туширилди ва журналистлар ҳам мусобақа ўтказиш қарорини танқид қилдилар.

"Жанубий Америкадаги тўққизта терма жамоани пандемия эпицентрларидан бирига олиб келиш, бу бизнинг касаллик юқтирган минглаб беморларимизга йўналтирилиши керак бўлган маблағ ва эътиборни беҳуда сарф қилишга сабаб бўлади. Узр, биз, йўқ, деймиз. Копа Америка бу "Cova America" (Америка мақбараси)",- деб ёзган, журналист Жука Кфури. 

"Cova America’ вакцина ёки соғлом ақлга қараганда анча тезроқ келади",- деди собиқ соғлиқни сақлаш вазири Луис Энрике Мандетта (2020 йил апрел ойида Болсонару билан вируснинг олдини олиш чоралари тўғрисида баҳслашгандан сўнг ишдан бўшатилган). 

Футболчилар нима дейди?

Бразилия терма жамоаси футболчилари ҳам мамлакатда Америка кубогини коронавирус билан боғлиқ вазиятда ўтказиш қароридан норози. Globo’нинг сўзларига кўра, жамоа етакчилари бир-бирларига, шунингдек, бош мураббий Титега шубҳа билдиришган ҳамда Бразилия футбол конфедерацияси президенти Рожерио Кабокло билан учрашиб мусобақада иштирок этишдан бош тортишни муҳокама қилишмоқчи.

Турнирни Бразилияга бериш тўғрисида қарор қабул қилинганидан сўнг, терма жамоанинг бирон бир ўйинчиси сиёсий мавзуда ҳеч қандай изоҳ бермади. Терма сардори Каземиро эса, ҳатто мажбурий матбуот анжуманига келишдан бош торди. 

"Унинг бунга сабаблари бор эди. Мен футболчилардан гапирмасликларини сўрадим. Фурсат келганда улар гапиришади",- дея жавоб берди Тите "Реал Мадрид" ярим ҳимоячисининг йўқлиги тўғрисидаги саволга жавобан.

Бразилияликлар нега Америка кубогига қарши?

Бразилияда ҳар куни коронавирус билан боғлиқ 60 мингдан ортиқ ҳолат қайд этилади. Лотин Америкаси мамлакати умумий ҳолатлар сони бўйича АҚШ ва Ҳиндистондан кейин учинчи ўринда туради, шу билан бирга бу давлатларнинг аҳолиси жуда кўп. Ўлим ҳолатлари ҳам сезиларли даражада.

Шу билан бирга, Бразилиядаги касалланиш ва ўлим кўрсаткичлари солиштирилса, ҳозирги кунда пандемия ҳолати энг ёмон аҳволга тушиб қолгани аниқ: кунлик кўрсаткич бўйича ҳар 60 минг беморга 2-3 мингта ўлим ҳолати тўғри келади.

"Бу ҳақиқий жиннилик. Гўё Рим Императори Нейроннинг Колизейда ёнғинни нишонлаш учун мусобақа ташкил этганидек", - дейди ўз ватани Бразилияда ковид тарқалишини таҳлил қилаётган америкалик невролог олим Мигел Николлис NYT нашрига берган изоҳида.

Содир бўлаётган воқеалар норозилик ҳолатлари билан бирга келади, чунки коронавирус иқтисодиётнинг заифлашишига, ишсизликка олиб келди. Бунинг натижасида оддий халқ вакиллари, албатта, азият чекишади.

Ҳукумат нима дейди?

Бразилия ҳукуматининг расмийлари икки нарсани иддао қилмоқда: 

Биринчидан, Бразилия чемпионати энди бутун мамлакат бўйлаб ўтказилмоқда ва ҳеч қандай муаммо йўқ. 

Иккинчидан, мусобақа томошабинларсиз ўтказилгандан буён делегациялар сони ҳам сезиларли даражада қисқартирилди: жамоалар атиги 65 кишидан (шу жумладан футболчилар ва мураббийларни) иборат бўлиши мумкин.

"Бу масала аллақачон ҳал қилинган",- деди Болсонару.

Мусобақа сўнгги бор 2019 йил айнан Бразилияда ўтказилган ва мезбонлар чемпионликка эришган эдилар. Шундан сўнг, 2020 йилдан бошлаб ҳар 4 йилда бир маротаба ташкил этилиши керак эди. Колумбия мезбонлик қилиши керак бўлган турнир катта эҳтимол билан бу йил ҳам номаълум муддатга қолдирилса керак. 

Европа чемпионатига рақобат қила оладиган ягона мусобақанинг тақдири сўроқ остида...

Ҳумоюн Орипов таржимаси

Rating: -2   

Comments

championat.asia
< show latest news
Яндекс.Метрика