Бўш стадионлар борасидаги эътирозлар фонида ФИФА Клублар ўртасидаги ЖЧ чипталари сотуви жуда яхши кетаётгани ҳақида хабар берди

ФИФА клублараро жаҳон чемпионатига деярли 1,5 миллион чипта сотилганини хабар қилди.

"Янги ФИФА клублараро жаҳон чемпионати клуб футболининг бутун дунё бўйлаб жозибадорлигини кучли намойиш этиш билан бошланди. 340 мингдан ортиқ мухлис дастлабки уч ўйин куни давомида жўшқин муҳит, ҳаяжонли қўллаб-қувватлаш ва унутилмас манзараларни яратди. 17 июнь, сешанба ҳолатига кўра, ФИФА 1,5 миллионга яқин чипта сотган ва бу кўрсаткич ўсишда давом этмоқда, чунки гуруҳ босқичидаги энг қизиқарли бўлиши кутилган бешта ўйиннинг тўрттаси ҳали олдинда.

14 июнь, шанба куни "Ал-Аҳли" ва "Интер Маями" ўртасидаги турнирнинг очилиш маросимида Майамидаги Hard Роcк стадионини 60 927 кишидан иборат шовқинли ва жўшқин томошабинлар тўлдирди. Бир кундан сўнг, Лос-Анжелесдаги машҳур Rose Bowl стадионида 80 619 нафар мухлис Европа грандлари "ПСЖ" ва "Атлетико" ўйинини томоша қилди. Бу 2024/25-йилги мавсумда иккала клуб ҳам иштирок этган энг кўп томошабинли ўйин бўлди

Гуруҳ босқичининг қолган ўйинлари орасида "Реал" ва "Пачука", "Ал-Ҳилол" ва "Залсбург" ўртасидаги учрашувлар, Майамида "Бавария" ва "Бока Хуниорс" ўртасидаги узоқ кутилган тўқнашув ҳамда "Фламенго"нинг Филадельфияда "Челси"га қарши ўйини энг кўп қизиқиш уйғотмоқда. Ушбу ўйинларнинг ҳар бирига 50 мингдан ортиқ мухлис ташриф буюриши кутилмоқда," - дея таъкидланди ФИФА хабарида.