"Боруссия" ўз мухлисларига янги йил "совғаси" тайёрламоқда

Рождество байрамига қадар дортмундликлар Петер Бошшга чиқиш эшикларини кўрсатишлари мумкин.
Унинг ўрнига келадиган номзод ҳам деярли аниқ. "Боруссия" раҳбариятии келаси мавсумдан бошлаб жамоани "Хоффенхайм" устози Юлиан Нагельсманн бошқарувига топширмоқчи.

Унга қадар эса жамоага вақтинча бош мураббий тайинланади.

Клуб раҳбарияти Бошшга ультиматум қўйган. Агарда жамоа қишки танаффусга қадар 30 очко жамғара олмаса, унда Бошш истеъфога чиқарилади.

Бошш бошқарувида Дортмунд Бундеслигада кетма-кет 6 ўйиндан буён ғалаба қозона олгани йўқ.

Эслатиб ўтамиз, "Боруссия" 13-турдан кейин 21 очко тўплаган ҳолда турнир жадвалида 5-ўринда кетмоқда.