“Боруссия“ бош мураббийи ишдан бўшатилиши мумкин

Хабарларга кўра, немис клуби раҳбарияти сўнгги ўйинлардаги натижалардан, хусусан, ҳозирда Бундеслигада охирги ўринда бораётган “Падерборн“га қарши (3:3) дурангдан норози.

Маълум қилинишича, агар “Боруссия Дортмунд“ жамоаси “Барселона“га қарши учрашувдан кейин Чемпионлар лигаси плей-оффига йўлланма ютиб олишни кафолатлай олмаса, Фавр бош мураббийлик лавозимидан четлатилиши мумкин.

Эслатиб ўтамиз, Фавр немис жамоасини 2018 йил июль ойидан бери бошқариб келмоқда. Унинг клуб билан шартномаси 2021 йил ёзигача мўлжалланган. Айни пайтда “Боруссия“ 20 очко билан Германия чемпионатида 6-ўринни эгаллаб турибди.